Donorlyq qan kómeginsiz qajetti ota men medısınalyq kómek kórsetý múmkin emes. Sondyqtan elimizde jyl saıyn 80 myń em alýshy donorlyq qan alady, dep jazady Egemen.kz.
Kún saıyn búkil el boıynsha qan ortalyqtaryna 1 000-ǵa deıin erikti donor kelip, áleýmettik jaýapkershiliktiń joǵary deńgeıin kórsetedi.
Joǵary tehnologııalyq medısınalyq kómekti damytý erekshe mańyzǵa ıe. Byltyr elde 168 gemopoezdik jasýshalardy, aǵzalardy almastyrý úshin 10 myńnan astam ımmýnogenetıkalyq zertteýler júrgizilgen.
2025 jyly elimizdiń qan qyzmeti 250 myńnan astam eriktiden qan alǵan.
Máıittik donor búldirshinniń ómirin aman alyp qaldy
Aıta keteık, elimizde qaıtys bolǵannan keıin donor bolýǵa kelisim beretinder sany artqan.
Jalpyulttyq áleýmettik bastamalardy qoldaý aıasynda Densaýlyq saqtaý mınıstri Aqmaral Álnazarova aqpan aıyn – óteýsiz qan donorlyǵy aıy dep jarııalap, mınıstrdiń ózi de qan tapsyrdy.