Premer-Mınıstrdiń orynbasary – Mádenıet jáne aqparat mınıstri Aıda Balaevanyń tóraǵalyǵymen ótken jıynda Qostanaı oblysynyń áleýmettik salasyn damytý máseleleri talqylandy. Jıynǵa salalyq mınıstrlikterdiń basshylary men ókilderi, sondaı-aq oblys ákimi Qumar Aqsaqalov qatysty, dep jazady Egemen.kz.
О́ńirdegi densaýlyq saqtaý salasynda týberkýlezden bolatyn ólim-jitimniń 7,1%-ǵa tómendegen. Alaıda sheshimimin kútken máseleler de bar. Atap aıtsaq, skrınıngtik tekserýlerdiń sapasyn arttyrý jáne ıntervensııalyq kómektiń qoljetimdiligin qamtamasyz etý baǵytynda sharalar qabyldaý qajet.
Bilim berý salasyndaǵy basty jetistik retinde dýaldy oqytý júıesiniń 30 kolledjde 593 kásiporynnyń qatysýymen sátti engizilýi ataldy. Sonymen qatar mektepterde sıfrlandyrý men jasandy ıntellekt tehnologııalary belsendi túrde qoldanylyp keledi. Sondaı-aq arnaıy pedagog kadrlarynyń tapshylyǵyn joıýǵa baǵyttalǵan jumystar atqarylyp jatyr.
Qostanaıda 2,2 mlrd teńgege salynǵan jańa mekteptiń shatyry opyrylyp tústi
Aıta keteıik, sońǵy úsh jylda oblysta stýdentter sany 15,3%-ǵa ósken. Halyqaralyq qos dıplomdy bilim berý baǵdarlamalary keńeıip, kadrlardy praktıkaǵa beıimdep daıarlaý jumystary da kúsheıtilgen. KIA kompanııasymen yntymaqtastyq aıasynda «Avtomobıl ónerkásibiniń ınjınırıngi» baǵdarlamasy boıynsha oqyǵan 22 stýdenttiń 17-si búginde turaqty jumyspen qamtylǵan.
Sonymen qatar azamattardy turaqty jumys oryndaryna ornalastyrý deńgeıiniń tómendigi negizgi túıtkilderdiń biri retinde ataldy. Oblys ákimdigine osy baǵytta jumysty kúsheıtý tapsyryldy.
О́ńirde búginde 580 mádenıet jáne arhıv mekemesi jumys isteıdi. Keıingi úsh jylda 31 nysan jóndeýden ótip, 5 jańa mádenıet mekemesi salynǵan. Alaıda mádenı ınfraqurylymdy jańǵyrtýǵa degen qajettilik áli de joǵary deńgeıde qalyp otyr.
Qostanaı qalasyndaǵy balalardyń neshe paıyzy aralas mektepterde bilim alyp jatyr?
Qostanaı oblysynyń týrıstik ınfraqurylymdy damytý máseleleri de ózekti. Sondaı-aq ınklıýzıvti sportty damytýǵa da erekshe nazar aýdarý qajettigi atap ótildi.
Keńes qorytyndysy boıynsha Aıda Balaeva profılaktıkalyq jáne aqparattyq-túsindirý jumystaryn kúsheıtý, kadrlyq áleýetti nyǵaıtý jáne áleýmettik salanyń negizgi baǵyttary boıynsha keshendi sharalardy iske asyrýdy tapsyrdy.