Senat tóraǵasy Máýlen Áshimbaev depýtattar, sarapshylar jáne analıtıkalyq qoǵamdastyq ókilderiniń basyn qosyp, dóńgelek ústel ótkizdi. Kezdesýdiń basty taqyryby – jańa Konstıtýsııa jobasyn talqylaý boldy, dep habarlaıdy Egemen.kz.
Máýlen Áshimbaev kezdesý barysynda jańa Konstıtýsııanyń jobasy qoǵamnyń saıası júıeni tereń jańǵyrtýǵa qatysty suranysynyń jarqyn kórinisi ekenin aıtty.
Marat Shıbutov: Ata zań jobasy jalpyhalyqtyq referendýmǵa shyǵarýǵa daıyn
«Konstıtýsııalyq reforma – Prezıdentimiz Qasym-Jomart Kemeluly Toqaevtyń elimizdegi saıası júıeni tereń jáne júıeli jańǵyrtýǵa baǵyttalǵan bastamalarynyń zańdy ári dáıekti jalǵasy. Jańa Konstıtýsııa jobasynyń negizi zań men tártip qaǵıdatyna, azamattardyń múddeleri men quqyqtaryna, sondaı-aq, tabıǵatty qorǵaýǵa jaýapkershilikpen qaraýǵa jáne ornyqty damý baǵdaryna taban tireıdi. Bul – bekitilgen naqty konstıtýsııalyq normalar arqyly Ádiletti Qazaqstan ıdeıasyn júzege asyrýdyń aıqyn kórinisi», dedi ol.
Senat tóraǵasy sarapshylar qaýymdastyǵyn Memleket basshysynyń jańǵyrtý kún tártibi aıasynda birigýge shaqyrdy jáne usynylǵan ózgerister el damýynyń jańa kezeńine jol ashatynyn atap ótip, qoǵamdy Memleket basshysynyń aınalasyna toptasýǵa shaqyrdy.
«Konstıtýsııalyq reforma – Prezıdentimiz Qasym-Jomart Kemeluly Toqaevtyń elimizdegi saıası júıeni tereń jáne júıeli jańǵyrtýǵa baǵyttalǵan bastamalarynyń zańdy ári dáıekti jalǵasy. Jańa Konstıtýsııa jobasynyń negizi zań men tártip qaǵıdatyna, azamattardyń múddeleri men quqyqtaryna, sondaı-aq, tabıǵatty qorǵaýǵa jaýapkershilikpen qaraýǵa jáne ornyqty damý baǵdaryna taban tireıdi. Bul – bekitilgen naqty konstıtýsııalyq normalar arqyly Ádiletti Qazaqstan ıdeıasyn júzege asyrýdyń aıqyn kórinisi», dedi Máýlen Áshimbaev.
Sonymen qatar Senat tóraǵasy qujatty qoǵamdyq talqylaýdyń deńgeıine jáne Konstıtýsııalyq komıssııa jumysy ashyq ári jarııa túrde júrgizilip jatqanyna nazar aýdardy.
«Is júzinde jańa Konstıtýsııa keń aýqymdy qoǵamdyq talqylaý barysynda qalyptasyp jatyr. Búgingi dóńgelek ústel – osy aýqymdy ári jaýapty dıalogtyń bir bóligi. Komıssııaǵa azamattardan kóptegen ótinish-usynys kelip túskeni de belgili. Aldaǵy kezeńde Konstıtýsııada aıqyndalǵan qundylyqtar men ıdeıalardy naqty tetikterge, bolashaq zańdar men quqyq qoldaný tájirıbesine kóshirýdiń mańyzy zor», dedi Senat tóraǵasy.
«Ardagerler uıymy» jańa Konstıtýsııa jobasyn qoldady
Is-shara barysynda Parlament Senaty tóraǵasynyń orynbasarlary, Konstıtýsııalyq reforma jónindegi komıssııanyń músheleri Jaqyp Asanov pen Olga Perepechına, Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy, Konstıtýsııalyq reforma jónindegi komıssııanyń múshesi Nurlan Beknazarov sóz sóıledi. Sondaı-aq «AMANAT» qoǵamdyq saıasat ınstıtýtynyń dırektory Mádına Nurǵalıeva, Qazaqstandyq qoǵamdyq damý ınstıtýtynyń basqarma tóraıymy, Konstıtýsııalyq reforma jónindegi komıssııanyń múshesi Juldyzaı Ysqaqova, «Ulttyq energııa únemdeý ortalyǵynyń» basqarma tóraǵasy Eldos Abaqanov jáne bilim berý salasynyń sarapshysy Mádına Tynybaeva jańa Ata zańnyń jobasy jóninde pikir bildirdi.