Elimizde aldaǵy referendýmǵa jáne jańa Konstıtýsııa jobasyna arnalǵan referendum2026.kz resmı saıty jumysyn bastady. Bul ınternet-resýrs «Ádiletti jáne Progressıvti Qazaqstannyń Halyqtyq Konstıtýsııasyn qoldaý» jalpyulttyq koalısııasynyń bastamasymen ázirlenip, azamattarǵa usynylyp otyrǵan ózgeristerdiń mazmunyn jan-jaqty ári túsinikti túrde tanystyrýdy maqsat etedi, dep habarlaıdy Egemen.kz.
Atalǵan saıtta Negizgi zań jobasynyń tolyq mátini jarııalanǵan. Sonymen qatar ózekti taldamalyq materıaldar, sarapshylar pikiri, koalısııanyń óńirlerdegi jumysyna qatysty jańalyqtar turaqty túrde jańartylyp otyrady. Platforma qurylymy qoldanýshylarǵa qajetti aqparatty ońaı tabýǵa, referendýmǵa qatysty saýaldaryna naqty jaýap alýǵa múmkindik beredi.
Referendým–2026. Onlaın-marafon
Aqparattyń qoljetimdiligine aıryqsha mán berilgen. Erekshe qajettilikteri bar azamattarǵa arnalǵan beıimdelgen nusqa qarastyrylǵan, sondaı-aq bet parametrlerin jeke qalaýyna saı ózgertý múmkindigi bar. Bul – resýrstyń barshaǵa teń dárejede qolaıly bolýyn qamtamasyz etýge baǵyttalǵan qadam.
Qazaqstanda jańa Konstıtýsııanyń jobasy jarııalandy
Túsindirý materıaldarymen qatar, saıtta Konstıtýsııanyń máni men qoǵam ómirindegi rólin tereńirek uǵynýǵa kómektesetin taqyryptyq maqalalar, beınematerıaldar men ınteraktıvti formattar usynylǵan. Munyń bári azamattardyń reformalardyń mazmunyn tolyq túsinip, sanaly tańdaý jasaýyna jaǵdaı týǵyzady.
Referendým álemdik BAQ nazarynda
Atalǵan resýrs – «Ádiletti jáne Progressıvti Qazaqstannyń Halyqtyq Konstıtýsııasy úshin» jalpyulttyq koalısııasynyń júıeli jumysynyń jalǵasy. Quramyna jetekshi saıası partııa ókilderi men júzdegen qoǵamdyq uıym engen birlestik búginde eldiń barlyq óńirinde belsendi jumys júrgizip keledi. Kezdesýler men ashyq dıalog alańdary arqyly Jańa Konstıtýsııa jobasynyń negizgi qaǵıdalary túsindirilip, qoǵamnyń osy úderiske keńinen qatysýyna jol ashyp jatyr.
Jańa Konstıtýsııa: Konstıtýsııa jobasyna arnalǵan «Referendým–2026» onlaın-marafony máresine jetti