El mektepterinde úshinshi oqý toqsan aıaqtalýǵa jaqyn. Belgilengen kestege sáıkes, 2026 jylǵy kóktemgi úzilis 19 naýryzda bastalyp, 29 naýryzǵa deıin jalǵasady. Jalpy 11 kúnge sozylatyn bul demalys Naýryz meıramymen tuspa-tus keledi, dep jazady Egemen.kz.
Oqýshylar úshin demalys aldyndaǵy sońǵy oqý kúni – 18 naýryz. Al 30 naýryz kúni mektep partasyna qaıta oralyp, oqý jylynyń qorytyndy kezeńi – tórtinshi toqsanǵa bilek sybana kirispek.
Bıylǵy úshinshi toqsan 10 aptaǵa sozyldy. Aldaǵy tórtinshi toqsan shamamen 8 aptaǵa josparlanǵan. Bekitilgen kúntizbe boıynsha, 2026 jylǵy 25 mamyrda oqý jyly aıaqtalyp, sońǵy qońyraý soǵylady. Osydan keıin oqýshylar úshin kópten kútken jazǵy demalys bastalady.
Eske sala keteıik, búgin Astanada aýa raıynyń kúrt sýytýyna baılanysty birinshi aýysymda oqıtyn 0-9 synyp oqýshylary qashyqtan oqý formatyna aýystyryldy.