Qostanaı oblysynyń ákimi Qumar Aqsaqalov «Kia Qazaqstan» zaýytynyń eńbek ujymymen kezdesý ótkizdi. Kezdesý barysynda jańartylǵan Konstıtýsııa jobasy men óńirdiń áleýmettik-ekonomıkalyq damýy máseleleri talqylandy, dep jazady Egemen.kz.
Kezdesýge Senat depýtattary Sergeı Karplıýk pen Bıbigúl Aqqojına, Qostanaı oblystyq máslıhatynyń tóraǵasy Saılaýbek Eshanov jáne «Amanat» partııasy oblystyq fılıalynyń tóraǵasy Almat Dosmuhamedov qatysty.
«Kia Qazaqstan» zaýyty Qostanaıdyń ındýstrııalyq aımaǵynda ornalasqan jáne óńirdegi avtomobıl óndirisiniń flagmanyna aınaldy. Shamamen 63 gektar aýmaqta jylyna 70 000 avtokólik shyǵarýǵa múmkindik beretin zamanaýı óndiris orny jumys isteıdi. Eńbek ujymynyń edáýir bóligin jas mamandar quraıdy.
О́ńir basshysy Jańa Konstıtýsııa jobasyn talqylaý aıasynda eńbek adamynyń mártebesin arttyrý máselesine erekshe toqtaldy. Onyń aıtýynsha, qujatta jumysshylar úshin negizgi áleýmettik kepildikter bekitilgen.
Mańǵystaý munaıshylary jańa Konstıtýsııany qoldaıdy
«Jańa Konstıtýsııasy jobasynda qaýipsizdik pen gıgıena talaptaryna saı eńbek etýge, eshqandaı kemsitýsiz eńbegi úshin syıaqy alýǵa, sondaı-aq zańǵa sáıkes áleýmettik qorǵaýǵa quqyq kepildendirilgen», dedi Qumar Aqsaqalov.
Jıynda kásiporynnyń jas mamany Amır Karaev Ata zań jobasyna qatysty pikirin bildirdi. Onyń aıtýynsha, jańartylǵan Konstıtýsııa jobasynda jastardyń róline erekshe mán berilgen.
«Jas býyn ókili retinde men úshin bul qujattyń sapaly bilim alýǵa, kásibı ósýge jáne ózin-ózi júzege asyrýǵa naqty jaǵdaı jasaıtyny mańyzdy. Jastardyń qoǵamdyq-saıası ómirge qatysýynyń mańyzdylyǵy atap ótilgeni – bizdiń pikirimiz eskeriletinin bildiredi», dedi ol.
Azamattardyń 78%-dan astamy jańa Konstıtýsııany qoldaıdy
Otbasy ınstıtýtyna qatysty máselelerge de erekshe nazar aýdaryldy. Nekeniń er men áıeldiń odaǵy retinde aıqyndalýy, memlekettiń neke men otbasyn qorǵaýy, sondaı-aq ata-analar men balalardyń quqyqtary men mindetteri túsindirildi.
Bul máselege qatysty óz ustanymyn kásiporyn qyzmetkeri Fırdavs Amanmýratov bildirdi.
«Jańa Konstıtýsııa jobasynda negizgi otbasylyq qundylyqtardyń naqty bekitilýi men úshin mańyzdy. Memleket neke men otbasyn qorǵaıdy, ata-analardy bala tárbıesinde qoldaıdy», dedi ol.
Kezdesý barysynda jumysshylar áleýmettik-ekonomıkalyq kepildikter, óndiristik sektordy qoldaý jáne óńirdi damytý perspektıvalary jóninde birqatar suraqtar qoıdy. Koalısııa ókilderi jan-jaqty jaýap berip, azamattardyń qoǵamdyq-saıası úderisterge belsendi qatysýynyń mańyzdylyǵyn atap ótti.
Almaty jastary men IT qaýymdastyq konstıtýsııalyq reformany qoldaıdy
Kezdesý qorytyndysy boıynsha «Kia Qazaqstan» eńbek ujymy Jańa Konstıtýsııa jobasyn tolyq qoldaıtynyn jáne Ádiletti ári Progressıvti Qazaqstandy damytýǵa belsendi qatysýǵa daıyn ekenin bildirdi.