Memlekettik keńesshi Erlan Qarın «Ádiletti jáne Progressıvti Qazaqstannyń Halyqtyq Konstıtýsııasy úshin!» Jalpyulttyq koalısııasy múshelerimen birge Aqtóbe oblysynyń jurtshylyǵymen birqatar kezdesý ótkizdi, dep habarlaıdy Egemen.kz.
Memlekettik keńesshimen birge óńirge Jalpyulttyq koalısııa músheleri – Qazaqstan Respýblıkasy Parlamenti Májilisi Tóraǵasynyń orynbasary Danııa Espaeva, Ádilet mınıstri Erlan Sársembaev, Prezıdent Teleradıo kesheniniń dırektory Raýshan Qajybaeva, L.N.Gýmılev atyndaǵy Eýrazııa ulttyq ýnıversıtetiniń prorektory Indıra Rystına, teatr jáne kıno akteri Asylhan Tólepov, prodıýser ári kásipker Almas Jalı, Uni-Q Group medıaholdınginiń bas dırektory Muhamedqalı Taýan, «Ulttyq rýh» qoǵamdyq birlestiginiń jetekshisi Aıat Súgirbaı bardy.
Sapar aıasyndaǵy negizgi is-shara – óńir aktıvimen ótken kezdesý. Oǵan myńnan astam adam qatysty. Olardyń qatarynda óńirdiń kórnekti qoǵam qaıratkerleri, eńbek ardagerleri, máslıhat depýtattary, qoǵamdyq keńesterdiń, etnomádenı birlestikterdiń, saıası partııalar men úkimettik emes uıymdardyń músheleri, bilim berý, densaýlyq saqtaý, mádenıet, sport, bıznes salalarynyń ókilderi, jas kóshbasshylar jáne ózge de azamattar bar.
Kezdesý Aqtóbe oblysynyń ákimi Ashat Shaharovtyń baıandamasymen bastaldy.
О́z kezeginde, Memlekettik keńesshi Erlan Qarın Jańa Konstıtýsııa jobasyn ázirleý barysyna jáne onyń el bolashaǵy úshin strategııalyq mańyzyna jan-jaqty toqtaldy. Ol Jańa Konstıtýsııa bilim berý, ǵylym, ınnovasııalar men adam kapıtalyn damytý isin basym baǵyttar retinde aıqyndaı otyryp, el damýyna tyń serpin beretinin málimdedi.
«Jańa Konstıtýsııa jobasynda adam kapıtalyn, bilim berý isin, ǵylym men ınnovasııalardy damytý máselesi negizgi strategııalyq basymdyqtar retinde aıqyndaldy. Osylaısha, Jańa Konstıtýsııa memleket damýyna tyń serpin beredi», dedi Erlan Qarın.
Parlament Májilisi Tóraǵasynyń orynbasary Danııa Espaeva birpalataly Parlament – Quryltaı qurýǵa qatysty ınstıtýsıonaldyq ózgeristerdi jáne onyń bıliktiń zań shyǵarýshy tarmaǵyn nyǵaıtýdaǵy, menshik quqyǵy men ulttyq ekonomıka múddesi qorǵaýdaǵy mańyzyn túsindirdi.
Ádilet mınıstri Erlan Sársembaev azamattardyń quqyǵy men bostandyǵy kepilin kúsheıtý, zań ústemdigin qamtamasyz etý jáne jańa konstıtýsııalyq normalardy tájirıbe júzinde iske asyrý máselelerine nazar aýdardy. Sondaı-aq Mınıstr ádilet júıesindegi táýelsiz advokatýranyń rólin nyǵaıtý máselesine toqtaldy.
Aqtóbe oblysynyń týmasy, Eńbek Eri Amanǵos Tóleýov Jańa Konstıtýsııa mazmunynyń áleýmettik baǵyty men adamǵa negizdelgen baǵdaryn atap ótti.
Teatr jáne kıno akteri Asylhan Tólepov jańa konstıtýsııalyq normalardyń mádenıetti, shyǵarmashylyq erkindikti jáne kreatıvti ındýstrııany damytýǵa qatysty mańyzyna mán berdi.
Sapar aıasynda «Aqtóbe rels – arqalyq zaýyty» kásipornynda temirjol salasynyń qyzmetkerlerimen kezdesý ótti. Áńgimelesý barysynda Erlan Qarın Jańa Konstıtýsııa memlekettik saıasattyń áleýmettik baǵdaryn kúsheıtip, azamattardyń eńbek quqyǵyn qorǵaý kepildikterin bekitý arqyly eńbek adamynyń mártebesin arttyratynyn atap ótti.
Keıin Q.Jubanov atyndaǵy Aqtóbe óńirlik ýnıversıtetinde stýdentter qaýymymen mazmundy kezdesý uıymdastyryldy. Erlan Qarın Qazaqstan tarıhynyń kóptomdyq akademııalyq jınaǵynyń negizgi jańashyldyqtaryna toqtalyp, memlekettiń tarıhı damýyna birtutas kózqaras qalyptastyrý jolyndaǵy otandyq ǵalymdardyń aýqymdy ári tyńǵylyqty eńbegine nazar aýdardy. Ol konstıtýsııalyq reforma osy tarıhı sabaqtastyqty jalǵastyra otyryp, memlekettilik qundylyqtaryn bekitetinin jáne Qazaqstandy zamanaýı, ádiletti ári progressıvti memleket retinde odan ári damytýǵa quqyqtyq negiz qalyptastyratynyn atap ótti.
Sonymen qatar óńirdegi kreatıvti sektordyń ókilderimen de kezdesý ótti. Aktobe IT Hub alańynda Koalısııa músheleri mádenıet salasynyń, IT-sektordyń jáne kreatıvti ındýstrııanyń ókilderimen júzdesti. Talqylaý barysynda adam kapıtalyn damytý, ınnovasııany qoldaý jáne Jańa Konstıtýsııada ǵylym, tehnologııa jáne shyǵarmashylyq erkindik basymdyqtaryn bekitý máseleleri qozǵaldy.
О́ńirge sapar aıasynda taǵy bir mańyzdy nysan – «Aqtóbe JEO» AQ. Jalpyulttyq koalısııa músheleri qala ómiriniń turaqtylyǵy tikeleı osy ujymnyń jumysyna baılanysty ekenin eskere otyryp, qyzmetkerlermen kezdesti.
Kezdesý barysynda Aqtóbe oblysynyń turǵyndary Jańa Konstıtýsııa jobasy memleketti odan ári jańǵyrtýǵa qajet berik quqyqtyq negiz qalyptastyratynyn atap ótti.
Referendým-2026: Sheteldegi daýys berý ýchaskeleriniń tizimi jarııalandy
Barlyq kezdesý qorytyndysy boıynsha Aqtóbe oblysynyń turǵyndary referendýmǵa qatysý eldiń aldaǵy damý baǵytyn qalyptastyratyn mańyzdy qadam ekenin atap ótti.
Referendým jáne jańa Konstıtýsııa: Halyq kóp jınalatyn oryndarda aqparattyq jumys jandandy