Air Astana áýe kompanııasy 28 aqpannan bastap Taıaý Shyǵys baǵytyndaǵy barlyq reısterdiń toqtatylǵanyn málimdedi. Ushyp ketken keıbir reıster keri qaıtarylyp jatyr, dep habarlaıdy Egemen.kz.
28 aqpanda Iran áýe keńistiginiń jabylýyna jáne óńirdegi turaqsyz jaǵdaıǵa baılanysty kelesi ózgerister engizildi:
KC263 Almaty – Medına, KC897 Almaty – Dýbaı, KC653 Almaty – Doha, KC205 jáne KC207 Astana – Dýbaı reısteri ushý áýejaılaryna qaıtarylyp jatyr.
KC899 Almaty – Dýbaı reısi Delı qalasyna baǵyttaldy.
FlyArystan áýe kompanııasynyń FS7617 Aqtaý – Dýbaı reısi qosalqy áýejaıǵa qondy.
28 aqpanǵa josparlanǵan Taıaý Shyǵys baǵytyndaǵy ózge reısterdiń barlyǵy toqtatyldy.
Aıta keteıik, Izraıl 28 aqpan, senbi kúni tańerteń Iranǵa aldyn ala soqqy jasady. Shabýyldy eldiń qorǵanys mınıstri Israel Kas rastady. Tegeran qalasynda keminde úsh jarylys boldy. Aldyn ala málimetter boıynsha, jarylystar Iran astanasynyń ortalyq bóliginde oryn alǵan.