Búgin Aqtóbe qalasynyń Almaty aýdanyndaǵy Aqjar kóshesinde ornalasqan avtogaz quıý stansasynda tótenshe jaǵdaı boldy. Jer ústi rezervýarlarynyń birinde gaz-aýa qospasy tutanyp, sońy jarylysqa ulasty. Tilsiz jaýdyń ekpini sol mańdaǵy ekinshi sısternaǵa, gaz tasymaldaýshy kólik pen operatorlyq ǵımaratqa taralǵan, dep habarlaıdy Egemen.kz.
Tótenshe jaǵdaılar departamentiniń kúshteri oqıǵa ornyna jedel jetken. Qutqarýshylar adam ómiri men qala qaýipsizdigine tikeleı qater tóngen joǵary táýekel aımaǵynda jumys istep, qaıtalama jarylystardyń joly kesilip, jalynnyń kórshiles nysandarǵa taralýyna jol berilmedi.
Gaz quıý stansalarynda qaýipsizdik talaptary kúsheıtiledi
О́rtti aýyzdyqtaý jumystaryn Aqtóbe oblysy TJD bastyǵy, polkovnık Qaharman Orazalın tikeleı úılestirdi. Tilsiz jaýmen arpalysqa Departamenttiń, Jedel-qutqarý jasaǵynyń jáne Apattar medısınasy ortalyǵynyń 60-qa jýyq mamany men 16 birlik tehnıkasy jumyldyryldy.
Qutqarýshylardyń janqııarlyq áreketiniń nátıjesinde órt tolyqtaı joıylyp, zardap shekkender tirkelgen joq.