Tobyl qalasynyń «Astana» shaǵyn aýdanynda jańadan salynǵan úsh kópqabatty turǵyn úı paıdalanýǵa berilip, 43 otbasy qonystoıyn toılady.
Byltyr kóktemde ǵana qurylysy bastalǵan jańa shaǵyn aýdanda búginge deıin 10 úıdiń (450 páter) qurylysy aıaqtalyp, el ıgiligine berilgen. Qazir taǵy 13 úıdiń irgetasy qalanyp jatsa, jazǵa salym qosymsha 16 turǵyn úıdiń qurylysy bastalady. Jalpy, jospar boıynsha munda 154 kópqabatty úı boı kóterip, 60 myńnan astam otbasy qonystanýǵa tıis.
Turǵyndarǵa páter kiltterin tabystaǵan oblys ákimi Qumar Aqsaqalov bul jobanyń Turǵyn úı-kommýnaldyq ınfraqurylymdy damytýdyń 2023–2029 jyldarǵa arnalǵan tujyrymdamasy aıasynda júzege asyp jatqanyn atap ótti.
Oblystyq Qurylys, sáýlet jáne qala qurylysy basqarmasynyń málimetinshe, keıingi úsh jylda paıdalanýǵa berilgen turǵyn úı kólemi 9%-ǵa ósken.
О́tken jyly 517,4 myń sharshy metr baspana salynǵan (onyń 64 myń sharshy metri aýyldyq jerlerde boı kóterip, 5,5 myńǵa jýyq aýyldyq otbasy qamtyldy).
«Qostanaı jastary» ıpotekasymen búginge deıin 5 mlrd teńge ıgerilip, 340 jas otbasy baspanaly bolsa, bıyl baǵdarlamaǵa taǵy 2 mlrd teńgege jýyq qarjy bólinip otyr.
Qostanaı oblysy