Premer-mınıstr Oljas Bektenov el gazetine jarııalaǵan «Jasampazdyqqa jetelegen jyl» atty maqalasynda bilim men ǵylymǵa salynǵan ınvestısııalar týraly sóz etken, dep habarlaıdy Egemen.kz.
«Elimizdegi kólemdi sý aıdyndary – Kaspıı men Aral teńizderin saqtap qalý máselesi birinshi kezekke shyqty. Elimizde atalǵan akvatorııanyń ózekti máselelerin tereń zerdeleý úshin Kaspıı teńiziniń Qazaq ǵylymı-zertteý ınstıtýty quryldy. Jınaqtap kelgende bul ekologııalyq qaýipsizdik pen tabıǵatty turaqty paıdalanýdyń keshendi tásilin qalyptastyrady. Jahandyq sý resýrstary taqyrybyndaǵy mańyzdy máselelerdiń biri – muzdyqtardy saqtap qalý. Sarapshylardyń boljamynsha, 2100 jylǵa qaraı Ortalyq Azııadaǵy muzdyqtar kólemi aıtarlyqtaı kishireıedi. Prezıdent osy máselelerge de aıryqsha nazar aýdaryp otyr. Qasym-Jomart Toqaev halyqaralyq deńgeıde «Sý munaralary seriktestigin» qurý bastamasyn kóterdi, onyń maqsaty – muzdyqtardy zertteý ári qorǵaý úshin jahandyq zertteý ortalyqtarynyń kúsh-jigerin biriktirý, sol arqyly glıasıologııalyq ǵylymdy qoldaýdy ortaq bir júıege keltirý», delingen maqalada.
Jeti jylda Qazaqstanda 1,3 myńnan astam jańa mektep salyndy
Úkimet basshysynyń aıtýynsha, áleýmettik saıasatta da sapaly reformalar júzege asyrylyp jatyr. Bıýdjettegi áleýmettik maqsattaǵy shyǵystar burynǵysynsha joǵary deńgeıde saqtalyp otyr, máselen, 2025 jyly respýblıkalyq bıýdjetten atalǵan salaǵa 9,3 trln teńge baǵyttaldy, bul jalpy shyǵystardyń 36,5%-yn quraıdy.
Jasampazdyqqa jetelegen jeti jyl
«Sonymen qatar qoldaý kórsetý fılosofııasy da ózgertildi: kómek maqsatty, ádil ári yntalandyratyndaı bolýy kerek. Al keıingi ýaqyttary qarqyndy engizilip jatqan sıfrlyq quraldar úı sharýashylyqtarynyń damýyn dálirek baǵalaýǵa, tıimsiz tólemderdi qysqartýǵa jáne resýrstardy neǵurlym ózekti baǵyttarǵa qaıta bólýge múmkindik beredi», dep jazdy O. Bektenov.
Osy tusta ol keıingi jyldary adamı kapıtalǵa jumsalatyn ınvestısııalar aıtarlyqtaı óse túskenin aıtyp ótken.
«Bilim berý men ǵylymǵa salynǵan ınvestısııalar bes eseden asty, densaýlyq saqtaý men áleýmettik qyzmet kórsetýge 3,7 ese ósti. Mańyzdy kórsetkishterdiń biri – ómir súrý uzaqtyǵy, ol elimizde shamamen 76 jasqa jetti, bul kórsetkish 2019 jylmen salystyrǵanda 3 jylǵa artyq», delingen maqalada.
Oljas Bektenov: Jańa Konstıtýsııa – bolashaqtyń strategııalyq tańdaýy