Aqmola oblysy Shýchınsk qalasyndaǵy dámhanada bolǵan gaz jarylysy saldarynan zardap shekkenderdiń biri búgin aýrýhanada kóz jumdy, dep jazady Egemen.kz.
2 naýryz kúni oblystyq Densaýlyq saqtaý basqarmasy em alyp jatqan 3 naýqastyń jaǵdaıy nashar ekenin habarlaǵan edi. Búgin tótenshe jaǵdaıdan zardap shekken bir azamat qaıtys bolǵan.
Basqarma málimetinshe, taǵy tórt zardap shekken naýqas Shýchınsk qalasynda em qabyldap jatyr.
Eske salaıyq, 27 aqpan kúni bes qabatty turǵyn úıge japsarlas salynǵan bir qabatty dámhanada gaz-aýa qospasynyń jarylysy bolyp, artynsha órt shyqqan edi. Sol kúni oqıǵa saldarynan shamamen 20 adam zardap shegip, jeti adam qaza tapqany habarlanǵan.
Keıinnen zardap shekkenderdiń sany 28 adamǵa jetkeni málimdelip, jarylysqa qatysty qylmystyq is qozǵaldy.
Sondaı-aq Býrabaı aýdanynyń ákimdigi jarylystan qaza tapqandardyń otbasyna 2 mln teńge beriletinin jetkizdi.