Shýchınsk qalasyndaǵy «Palaý ortalyǵy» dámhanasynyń ıesi qamaýǵa alyndy. Bul týraly Aqmola oblysynyń prokýratýrasy málimdedi, dep habarlaıdy Egemen.kz.
Atalǵan nysanda bolǵan órt boıynsha qylmystyq is qozǵaldy. Tergeý Qylmystyq kodekstiń 292-baby 3-bóligi «Abaısyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý» boıynsha júrgizilip jatyr.
Vedomstvo málimetinshe, isti arnaıy prokýrorlar tergep jatyr. 2026 jylǵy 2 naýryzda Qylmystyq is júrgizý kodeksiniń 128-babyna sáıkes dámhana ıesi ustalǵan.
Shýchınsktegi jarylystan qaza tapqandardyń otbasyna 2 mln teńge beriledi
Tergeý barysy Bas prokýratýranyń erekshe baqylaýynda. Qylmystyq is júrgizý kodeksiniń 201-baby 1-bóligine sáıkes, ózge málimetter jarııa etilmeıdi.
Eske salaıyq, 27 aqpanǵa qaraǵan túni Aqmola oblysynyń Shýchınsk qalasynda turǵyn úı ǵımaratynda ornalasqan dámhanada gaz jarylysy bolǵan. Oqıǵa saldarynan segiz adam kóz jumyp, taǵy jeti adam aýyr jaǵdaıda aýrýhanaǵa jetkizildi.