Aqmola oblysynyń Shýchınsk qalasynda oryn alǵan joıqyn jarylystyń zardaby kún sanap aýyrlap barady. Dámhanadaǵy órtten aýyr jaraqat alǵan taǵy eki adam qalalyq aýrýhanada kóz jumdy. Osylaısha, bul qaıǵyly oqıǵadan qaza tapqandardyń jalpy sany toǵyzǵa jetti, dep habarlaıdy Egemen.kz.
Shýchınsktegi jarylys: Zardap shekken taǵy bir adam qaıtys boldy
«Keshe Shýchınsk aýdandyq aýrýhanasynda aýyr jaraqat alǵan bir naýqastan aıyryldyq. Búgin, ókinishke qaraı, denesiniń 85 paıyzy kúıgen taǵy bir pasıentimiz kóz jumdy. Dárigerler qoldan kelgenniń bárin jasady, biraq asqynýlardyń tym aýyrlyǵy áser etti. Qaza bolǵandardyń jaqyndaryna qaıǵyryp kóńil aıtamyz», dedi Ermek Narıman.Shýchınsktegi qaıǵyly jaǵdaı: Dámhananyń ıesi qamaýǵa alyndy
Esterińizge sala keteıik, 26 aqpan kúni dámhanadaǵy gaz ballonynyń jarylys boldy. Qazirgi ýaqytta 6 naýqas Shýchınsk pen oblystyq aýrýhananyń jansaqtaý bóliminde jatyr. Taǵy bes adam sanavıasııamen Astanadaǵy Ulttyq shuǵyl medısına ortalyǵyna jetkizilgen. 8 turǵyn aýdandyq aýrýhanada ambýlatorlyq em alýda.