Qyzylordadaǵy tarıhı-ólketaný mýzeıinde dańqty batyr, qaharman qolbasshy Buqarbaı batyr Estekbaıulynyń qylyshy tur. XIX ǵasyrdyń alǵashqy shıreginde dúnıege kelgen batyr esimi patsha otarshylary men Qoqan bekterine qarsy kúresimen, elin kásipke baýlyǵan eńbegimen málim.
El táýelsizdigi jolynda atqa qonǵan Kenesary han bastaǵan ult azattyq kóterilisiniń belgili sardarlarynyń biri bolǵan batyr 1838 jyly Aqmola bekinisin alýǵa qatysady. Keıinnen Syr boıynda patsha áskeri men Qoqan sarbazdaryna qarsy qol bastaǵan batyr týraly derekter Orynbor, Sankt-Peterbýrg pen Tashkent arhıvterinde saqtalǵan. Jasy kelgen shaǵynda jurtty aryq qazýǵa jumyldyryp, elin eginshilikke baýlıdy. Uzyndyǵy 25-30 shaqyrymdyq sol aryq áli de kádege asyp tur.
Bir jarym ǵasyrdan asatyn tarıhy bar qylysh oblystyq tarıhı-ólketaný mýzeıine byltyr ekspozısııa jasalǵan kezde ýaqytsha ákelinipti. Negizgi ıesi – batyr atyndaǵy aýylda boı kótergen mýzeı. Kezinde qylyshty aýyl mýzeıine batyrdyń shóberesi Jolaman Aldanazarov ótkizgen eken. Júziniń bas jaǵy qaıraqqa jıi túskendikten azdap oıyńqy tartqan. Qyny aǵashtan jasalyp, syrty bylǵarymen qaptalǵan.
Batyrdan qalǵan muralar qatarynda qylyshy, týy men dóńgelek móri de bar.
QYZYLORDA