Elorda qutqarýshylary órttiń aldyn alý jáne órt qaýipsizdigi deńgeıin arttyrý maqsatynda qoǵamdyq tamaqtaný nysandarynda profılaktıkalyq reıdtik is-sharalar ótkizip jatyr, dep jazady Egemen.kz.
Reıd barysynda dúńgirshekter, pavılondar, fastfýd, doner satatyn oryndar syndy qoǵamdyq tamaqtaný oryndary tekserilgen.
Júrgizilgen 320 reıdtik is-sharanyń nátıjesinde tez tamaqtanýǵa arnalǵan 426 nysan anyqtalǵan. Onyń ishinde 78 pavılonnyń arnaıy ruqsat qujattary men kelisimsharttary joq bolyp shyqqan. Atalǵan kásip ıelerine túsindirý júrgizilip, nátıjesinde zańsyz ornatylǵan pavılondar buzylǵan. Taǵy altaýy ǵımarattardyń aldyńǵy bóliginen artqy jaǵyna kóshirilgen.
Qostanaı oblysynda órt qaýipsizdigi aılyǵy bastaldy
Sondaı-aq tekserý barysynda kásipkerlerge órt qaýipsizdigi talaptaryn saqtaý sharalary túsindirilgen. Sonymen qatar árbir kásipkerge órt qaýipsizdiginiń negizgi talaptary men órt týyndaǵan jaǵdaıda áreket etý algorıtmi kórsetilgen aqparattyq hattar (jadynamalar) tabystaldy.
Almatyda órt qaýipsizdigi kúsheıtildi: jeke úılerge qutqarý datchıkteri ornatylyp jatyr
Mamandar bul baǵyttaǵy jumys jalǵasyp jatqanyn jáne turaqty baqylanatynyn atap ótti.