«Naýryz» baǵdarlamasyn qarjylandyrý arqyly qalaı tabys tabýǵa bolady?

Ornalastyrý sharttary: Baǵdarlamaǵa suranys joǵary Bir oblıgasııanyń nomınaldyq quny – 1000 teńge. Josparlanǵan kiristilik mólsherlemesi – shamamen jyldyq 17,5%. Aınalym merzimi – 5 jyl. Kýpondyq tólemder – jylyna 2 ret.

Eger saýda nátıjesinde kiristilik 17,5% deńgeıinde bekitilse, ınvestor ár 6 aı saıyn salynǵan somanyń 8,75% mólsherinde tabys alady. Bul – turaqty ári boljamdy kiris kózi.

10 naýryzdan bastap «Naýryz» baǵdarlamasyna ótinim qabyldaý bastalady

Mańyzdy artyqshylyqtardyń biri – oblıgasııalar boıynsha alynǵan syıaqyǵa salyq salynbaıdy. Bul bank Qazaqstan Respýblıkasynyń qarjy agenttikteri tizbesine engizilgenine jáne baǵaly qaǵazdardyń KASE resmı tizimine kirýine baılanysty.

Bank basqarma tóraıymy Lázzat Ibragımovanyń aıtýynsha, «Naýryz» baǵdarlamasy Memleket basshysynyń tapsyrmasymen iske qosylǵan jáne úshinshi jyl qatarynan tabysty júzege asyrylyp keledi.

«Osy ýaqytqa deıin 15 000 turǵyn qonys toıyn toılady. Olarǵa qoljetimdi nesıe berý úshin 500 mlrd teńge tarttyq. Bıyldan bastap azamattar baǵdarlamaǵa qatysyp qana qoımaı, onyń ınvestory da bola alady», dedi Lázzat Ibragımova.

Endi oblıgasııalardy zańdy tulǵalarmen qatar jeke tulǵalar da satyp ala alady.

Jeńildetilgen ıpotekalarǵa ótinim qabyldaý qashan bastalady?

Oblıgasııalardy qalaı satyp alýǵa bolady?

Jeke tulǵalar oblıgasııalardy brokerlik kompanııalar men olardyń mobıldi qosymshalary arqyly satyp alady. Atap aıtqanda, Alatau City Invest, BCC Invest jáne Halyk Finance.

Satyp alý tártibi:

Qosymshany júktep, brokerlik shot ashý.

Shotty qarajatpen tolyqtyrý.

«Otbasy bank» oblıgasııalaryn tańdap, parametrlerimen tanysý.

Satyp alýǵa ótinim berý.

Ádette ótinimder 12 naýryzǵa deıin aldyn ala qabyldanady. Naqty merzimdi brokerden naqtylaǵan jón.

Zańdy tulǵalar da óz brokerleri arqyly qatysa alady.

«Otbasy bank» ıpotekany zeınetaqy qarajatymen óteýge ótinim qabyldaýdy qaıta bastady