Májilis tóraǵasy Erlan Qoshanov bastaǵan «Ádiletti jáne Progressıvti Qazaqstannyń Halyqtyq Konstıtýsııasy úshin!» jalpyulttyq koalısııasy Pavlodar oblysynyń turǵyndarymen kezdesti. Qoǵam ókilderi, óndiris salasynyń mamandary, jastar jáne aımaq belsendileri jańa Konstıtýsııanyń mańyzdylyǵy týraly oı bólisti, dep habarlaıdy Egemen.kz.
Jalpyulttyq referendým qarsańynda koalısııa óńirlerde, onyń ishinde eń shalǵaı eldi mekenderde de 12 myń is-shara ótkizdi. Bul týraly koalısııa músheleri Pavlodar oblysynyń ortalyǵyndaǵy qalalyq mádenıet saraıynda óńirdiń qoǵamdyq ókilderimen ótken kezdesýde aıtty. Jıynǵa shamamen 900 adam jınaldy.
О́ńir turǵyndarymen áńgime barysynda Erlan Qoshanov jańa Konstıtýsııa jobasyn Memleket basshysy usynǵanyn atap ótti. Parlamenttik reformany daıyndaý kezinde Konstıtýsııalyq komıssııaǵa qazaqstandyqtardan 10 myńnan astam usynys pen ótinish kelip tústi. Májilis spıkeri Pavlodar oblysynyń ǵalymdary, turǵyndary, sarapshylary men qoǵam ókilderi osy iri tarıhı kezeńniń belsendi qatysýshylarynyń biri bolǵanyn atap ótti.
– Qoǵamnyń talabyn jáne zaman tynysyn tereń túsine otyryp, Memleket basshysy Ulttyq quryltaıda usynylǵan ózgeristerdiń aýqymy men mańyzdylyǵy jańa Konstıtýsııa qabyldaýmen para-par ekenin atap ótti. Bul Konstıtýsııalyq komıssııanyń jumysy barysynda naqtylandy. Biz bárimiz Prezıdenttiń jobany ázirleý prosesin óz baqylaýynda ustap, komıssııa basshylaryn jáne múshelerin únemi qabyldap otyrǵanyna kýá boldyq. Osy kezdesýlerde Prezıdentimiz jańa Konstıtýsııanyń tujyrymdamalyq ıdeıalaryna, negizgi qaǵıdattary men irgeli qundylyqtaryna qatysty baǵyt-baǵdardy aıqyndap, olardyń máni men mazmunyn belgiledi. Sondyqtan Jalpyulttyq koalısııa atynan biz Qasym-Jomart Kemeluly Toqaev bizdiń Ádiletti jáne Progressıvti Qazaqstannyń jańa halyqtyq Konstıtýsııasynyń bastamashysy ári arhıtektory boldy dep naqty aıta alamyz, – dedi Erlan Qoshanov.
Ol jańa Konstıtýsııa saıası júıe men barlyq qoǵamdyq ınstıtýttardy jańa jaǵdaıda jańǵyrtýǵa baǵyt beretin mańyzdy qujat ekenin atap ótti.
Astanada jańa Konstıtýsııa jobasy boıynsha aýqymdy túsindirý jumystary ótti
Kezdesý qatysýshylary jańa Konstıtýsııa jobasyn osy ýaqyt ishinde qoǵamda keńinen talqylanýdyń arqasynda tereń túsingenderin aıtty. Bul qaǵıdattar qujattyń kirispe bóliminen bastap-aq aıqyn kórinis tapqan.
«Toraıǵyrov ýnıversıtetiniń» aǵa oqytýshysy, saıasattanýshy Borıs Polomarchýk jańa Konstıtýsııa Qazaqstan halqynyń ártúrliligin naǵyz kúshke aınaldyratynyn, al ultaralyq kelisim – bolashaq qaýipsizdiginiń kepili ekenin atap ótti.
Ýnıversıtet dosenti Aıman Zeınýlına jańa Ata zań jobasynda qaı zamanda da qazaq ıntellıgensııasynyń muraty bolǵan qundylyqtar men mán jıylyp, toǵysqanyn aıtty. Bul – ádilet pen zańnyń ústemdigi, ǵylym men bilimniń damýyna basymdyq, adamǵa baǵdarlanǵan memleket jáne ıntellektýaldy, progressıvti ult qurý baǵyty.
Vıse-mınıstr: Konstıtýsııaǵa engiziletin ózgerister azamattardyń irgeli quqyqtaryn nyǵaıtýǵa baǵyttalǵan
Sóz sóılegender Konstıtýsııa deńgeıinde adamnyń abyroıyn, zań aldyndaǵy teńdigin, shyqqan tegi, ulty, nanymy nemese dini boıynsha kemsitýshiliktiń bolmaýyn bekitý mańyzdylyǵyn, sondaı-aq eldiń taǵdyry báriniń ortaq jaýapkershiligi ekenin kórsetetin birlik ıdeıasyna nazar aýdardy.
Sonymen qatar pavlodarlyqtar jańa Konstıtýsııany qabyldaýmen ekologııa máselelerin sheshýge úlken úmit artyp otyr. Ata zań jobasynda joǵary ekologııalyq mádenıet prınsıpin jáne adamdardyń ómiri men densaýlyǵyna qaýip tóndiretin aqparatty jasyrýǵa jaýapkershilik engizý azamattardyń jyldar boıǵy ótinishterine naqty jaýap boldy. О́nerkásiptik aımaq turǵyndary bul sharany tabıǵatty saqtaý jáne halyqtyń densaýlyǵyn qorǵaýǵa baǵyttalǵan ádil qadam dep sanaıdy.
Jańa Ata zań jobasynda bekitilgen prınsıpterdiń tájirıbede qalaı iske asqany týraly óńirlik «TURGYNDAR AMANATY» jobasynyń qatysýshylary, ıaǵnı jergilikti turǵyndar ózderi aıtyp berdi. Joba turǵyndardyń úıleri men aýlalaryndaǵy máselelerdi birlesip sheshýge jaǵdaı jasaýǵa baǵyttalǵan.
Osy bastama aıasynda óńirlerde turǵyndar, Múlik ıeleriniń birlestigi (MIB), PIK, depýtattar jáne qalalyq qyzmetter arasyndaǵy keshendi ózara áreket modeli quryldy.
Mundaı júıe turǵyndarǵa óz úılerin basqarýǵa tikeleı qatysýǵa jáne qabyldanǵan sheshimder úshin jaýapkershilik alýǵa múmkindik beredi. Turǵyndardyń pikirinshe, bul tásil Memleket basshysynyń qoǵamnyń el basqarýyna qatysýyn keńeıtýdi maqsat etken reformalarymen úndesedi. Onyń logıkalyq jalǵasy – jańa Konstıtýsııa jobasy, ıaǵnı ár azamat adal eńbek etip, óz taǵdyryn ózdiginen qalyptastyra alatyn teń múmkindikter qoǵamynyń quqyqtyq negizi.
Konstıtýsııalyq reforma: El damýynyń jańa kezeńi
Jańa Konstıtýsııanyń qabyldanýy aıasynda jastarǵa sıfrlyq ortada, bilim, ǵylym, mádenıet jáne saıasat salalarynda ashylatyn jańa múmkindikter týraly Pavlodar oblysynyń kreatıvti jastary ókilderimen IT-kolledjinde ótkizilgen ashyq mıkrofon formatyndaǵy kezdesýde talqylandy.
Jastar Memleket basshysynyń jańa Konstıtýsııa jobasyna engizilgen negizgi qaǵıdalardyń biri – adam kapıtalynyń mańyzdylyǵy ekenin atap, osy strategııany qoldaıtynyn jáne bilimderi men qabiletterimen el damýyna úles qosýǵa daıyn ekenin bildirdi. Stýdentter ǵylymı zertteýler júrgizýge, ınnovasııalardy engizýge, zamanaýı bilim berý baǵdarlamalaryna qoljetimdilikti keńeıtýge jáne adal eńbek etýge naqty múmkindikterdiń jasalýy mańyzdy ekenin atap ótti. Sondaı-aq olar osyndaı múmkindikterdiń arqasynda óz bolashaǵyna senimmen qarap, ómiri men kásibı jolyn týǵan elinde josparlaı alatynyn aıtty.
Pavlodar alıýmınıı zaýytynyń alańynda oblystyń alıýmınıı klasteri men energetıkalyq kásiporyndary ókilderimen mazmundy áńgime órbidi. Talqylaý barysynda Koalısııa músheleri pavlodarlyq óndiris qyzmetkerleriniń nazaryn eńbek adamynyń múddesin qorǵaýǵa aýdardy. Jobada jumys oryndarynyń qaýipsiz jaǵdaılary, ádil ári kemsitýsiz eńbekaqy tóleý, sondaı-aq zańǵa sáıkes áleýmettik qorǵaý normalary bekitilgen. Memleket mınımaldy áleýmettik standarttardy qamtamasyz etýge jáne jumyspen qamtýdy qoldaýǵa mindetteme alady. О́ndiris salasynyń ókilderi atap ótkendeı, bul erejeler iri óndiris oryndary men energetıkalyq nysandar úshin qoldanbaly mánge ıe, ıaǵnı olar óndiristik qaýipsizdik pen eńbek ujymdarynyń turaqtylyǵyna tikeleı baılanysty.
Pavlodar oblysynyń turǵyndary 15 naýryzda óz pikirlerin ashyq bildirýge daıyn.