Respýblıkalyq referendýmǵa daıyndyq jumystary júıeli túrde júrgizilip jatyr. Ortalyq jáne aýmaqtyq komıssııa múshelerin kásibı oqytýǵa el boıynsha 71 030 ókil tartylǵan. Bul týraly Ortalyq referendým komıssııasynyń hatshysy Shavhat О́temisov habarlady, dep jazady Egemen.kz
Daıyndyq barysy kaskadtyq model boıynsha uıymdastyrylǵan. Aldymen barlyq deńgeıdegi komıssııa músheleri «Qazaqstan Respýblıkasyndaǵy saılaý týraly» jáne «Qazaqstan Respýblıkasyndaǵy respýblıkalyq referendým týraly» Konstıtýsııalyq zańdardyń negizgi normalary boıynsha kirispe test tapsyrady, bul olardyń bilim deńgeıin baǵalap, oqytýdy maqsatty júrgizýge múmkindik beredi.
Referendým kezinde 54 elde saılaý ýchaskesi jumys isteıdi
Ortalyq referendým komıssııasy arnaıy oqý-ádistemelik materıaldar, óńirlerge beınekýrs jáne daýys berý rásimderin túsindiretin ádistemelik quraldar toptamasyn joldaǵan. Oqytý aıasynda praktıkalyq sabaqtarǵa erekshe mán berildi: ýchaskeni daıyndaý, qatysýshylar tizimimen jumys, daýys berýdi ótkizý jáne qorytyndy shyǵarý kezeńderi úlgilenip, túrli quqyqtyq áreket nusqalary pysyqtaldy. Alǵashqy kezeńde 31 233 ýchaskelik komıssııa basshylyǵynyń ókili praktıkalyq tapsyrmadan ótti.
Qazirgi ýaqytta úshinshi kezeń júrip jatyr. Aýmaqtyq komıssııalardyń qoldaýymen ýchaskelik komıssııalardyń qalǵan 38 068 múshesi daıyndyqtan ótip jatyr, bul kezeńdi 13 naýryzǵa deıin aıaqtaý josparlanǵan.
Referendým qarsańyndaǵy qoǵamdyq kóńil kúı: jańa Konstıtýsııaǵa pikir qandaı?
Sondaı-aq, referendýmnyń ashyqtyǵy men jarııalylyǵyn qamtamasyz etý úshin Prezıdent janyndaǵy Memlekettik basqarý akademııasynyń Elektoraldyq oqytý ortalyǵynda arnaıy onlaın-semınar uıymdastyryldy. Oǵan akkredıttelgen qoǵamdyq birlestikterdiń, kommersııalyq emes uıymdardyń jáne BAQ ókilderi qatysty.
Referendýmǵa daıyndyq keń aýqymda, kezeń-kezeńimen jáne tájirıbege negizdelgen formatta júzege asyrylyp jatyr. Zaǵıp jandarǵa arnalǵan jańa Konstıtýsııanyń aýdıo nusqasy daýys berý ýchaskelerinde qoljetimdi bolady, bul barlyq azamattardyń teń múmkindikpen qatysýyna jaǵdaı jasaıdy.
Referendým: Ortalyq komıssııa Qazaqstan óńirleriniń daıyndyǵyn tekserdi