Tarazda respýblıkalyq referendým aıasynda aýyl sharýashylyq jármeńkesi «Jastar alleıasy» alańy men Alataý shaǵyn aýdanynda qatar uıymdastyryldy, dep habarlaıdy Egemen.kz.
Mundaǵy taýarlar quny ózge saýda nysandary men bazar baǵasynan – 15-20%-ǵa tómen. О́ıtkeni munda oblys ortalyǵyndaǵy taýar óndirýshiler men turaqtandyrý qorynyń ónimderi jetkizilgen. Sút, et ónimderi, aýyldyń aırany men qurtyn qala turǵyndary qýana alyp jatyr. Jármeńkege jetkizilgen ónimderdiń jalpy quny 19 mln teńgeni quraıdy. 24 tonnaǵa jýyq aýyl sharýashylyǵy taýarynyń ishinde 10 tonnadan astamy jemis-jıdek pen kókónis.
Qaıyrymdylyq jasaý kúni: Elordada volonterler ystyq shaı men baýyrsaq taratty
«Tań bozǵarǵan shaqta referendým ýchaskesine baryp, tańdaýymyzdy jasadyq. Onyń ústine búgin osynda jaqsy is-sharalar bolyp jatyr. Azyq-túlik óte arzan, oıyn-saýyq is-sharalary ótip jatyr. Halqymyz úshin óte keremet. Osyndaı uıymdastyrýlar ary qaraı jalǵasyn taba bersin», dedi qala turǵyny Aqbota Qulymbet.
Jambyl oblysynyń ákimi Erbol Qarashókeev óz tańdaýyn jasady