Koreıalyq delegasııamen kezdesti

Keshe Parlamentte Májilis Tóraǵasy Qabıbolla Jaqypov Koreıa Respýblıkasy Ulttyq Assambleıasynyń «Qazaqstan Res­­pýb­lıkasy – Koreıa Respýblı­kasy» yn­tymaqtastyq jónin­degi parlament­aralyq top jetek­shisiniń orynbasary, Koreıa Res­pýb­lıkasy Ulttyq Assam­bleıa­synyń depýtaty Chań Iýnsok bastaǵan delegasııa ókilderimen kezdesti. Taraptar barlyq sala boıynsha ekijaqty qarym-qatynasty damytý jaıynda pikir almasty. Májilis Tóraǵasy Koreıa Qazaqstannyń Shyǵys Azııadaǵy mańyzdy strategııalyq áriptesteriniń biri ekenin alǵa tarta kelip, saıası, saýda-ekonomıkalyq saladaǵy jetistikterge toqtaldy. Koreıa Respýblıkasynyń Prezıdenti Pa Kyn Heniń ótken jylǵy Qazaqstanǵa jasaǵan memlekettik sapary ózara saıası is-qımylǵa  tyń serpin berdi. Qos memleket arasyndaǵy taýar aınalymy ótken jyly 2 mlrd. dollarǵa jýyqtady. Búgingi kúni Qazaqstanda 800-den astam birlesken kásiporyn jumys isteıdi. Ásirese, Atyraý oblysynda salynyp jatqan gaz-hımııalyq keshen, jaqyn ýaqytta iske qosylatyn «Jambyl» ken orny, Balqash JES syndy iri jobalar Qazaqstannyń ınfraqurylymdyq damýyna aıtarlyqtaı úles qosýmen qatar, bizdiń elderimizdiń ınvestısııalyq jáne tehnologııalyq yntymaq­tastyǵyn nyǵaıta túspek. Osy rette Májilis Spıkeri Eýra­zııalyq ekonomıkalyq odaq basym­dyq­taryn da nazardan tys qaldyrma­dy. Odan ári Májilis Tóraǵasy ońtústik­koreıalyq bıznes ókilderin «Nurly Jol» Jańa Ekonomıkalyq Saıasaty men aý­qymdy údemeli ındýstrııalyq damý baǵdarlamasy aıasynda Qazaqstanda ın­dýstrııalyq-ınnovasııalyq jo­­balardy júzege asyrýǵa, sondaı-aq, Astanada ótetin EKSPO-2017 halyq­aralyq kórmesine belsene qatysýǵa shaqyrdy. Qabıbolla Jaqypov kópjaqty is-qımyldy nyǵaıtý jaıyn sóz etkende Koreıa Respýblıkasynyń 2017-2018 jyldary BUU Qaýip­sizdik Keńesiniń turaqty emes músheligine Qazaqstan kandıdatýrasyn qoldaıtyndyǵyna senim bildirdi. Al eldegi saıası ahýaldy áńgimeleý barysynda sáýir aıynda ótetin prezıdenttik saılaýdyń mańyzdylyǵyn  atap ótti. О́z kezeginde delegasııa jetek­shisi Astanaǵa birinshi ret kelgenin, qalanyń zamanaýı deńgeıde ór­kendep kele jatqanyna tánti bol­ǵanyn jetkizdi. Kezdesý ıeleri mádenı-gýma­nı­­tar­lyq baılanystardy nyǵaı­tý másele­sine de kóńil bóldi. Son­daı-aq, par­la­mentaralyq yqpal­dastyqty kúsheıtýge aıryqsha nazar aýdaryldy, dep habarlady Májilistiń baspasóz qyzmeti.