VIKTORIIа – ABAI OQÝLARYNYŃ JEŃIMPAZY. Aqyndar Mekkesi atanǵan Jıdebaıda Abaı oqýlarynyń ótkizilip kele jatqanyna on jyldan asyp barady.
Jýyrda osyndaı dástúrli oqý ózge ult ókilderi arasynda ótkizildi. Oblystyq dárejedegi bul saıysta bas júldeni Semeıdegi Áýezov atyndaǵy pedkolledjdiń oqýshysy Vıktorııa Parasıýkova jeńip aldy. Vıktorııa atalǵan oqý ornyn bitirgen soń jas urpaqqa mamandyǵy boıynsha qazaq tili men ádebıeti páninen sabaq beretin bolady.
Dáýlet SEISENULY, Semeı.
NEMIS ELShISINIŃ QYZYLJARǴA SAPARY. Germanııanyń Qazaqstandaǵy elshisi Raıner Shlegeter men elshiliktiń ekonomıka jáne baspasóz máseleleri jónindegi attashesi Iаn-Dıter Gosınk jumys saparymen Qyzyljar óńirinde boldy. Olardy oblys ákimi Serik Bilálov qabyldap, óńirdiń áleýmettik-ekonomıkalyq damý baǵdarymen tanystyryp ótti. Bıylǵy Germanııanyń Qazaqstandaǵy jyly aıasynda atqarylyp jatqan sharalarǵa toqtalyp, memleketter arasyndaǵy yntymaqtastyqty jalǵastyrý basty baǵyt bolyp qala beretinin jetkizdi. О́zara kelisilgen ýaǵdalastyq boıynsha, Petropavl men Germanııanyń bir qalasymen baýyrlastyq qarym-qatynas ornatylatyn boldy. Elshi óz sózinde Qyzyljar óńirine birinshi kelip turǵanyna qaramastan, úlken áser alǵanyn, Qazaqstandaǵy jetistikterge kóńili tolatynyn aıryqsha atap kórsetti. Raıner Shlegeter oblys ortalyǵynyń kórnekti jerlerimen tanysyp, Germanııanyń Qazaqstandaǵy jylyna oraı uıymdastyrylǵan “Qazirgi zamandaǵy Germanııa” atty kórmeniń ashylý saltanatyna qatysty.
О́mir ESQALI, Soltústik Qazaqstan oblysy
JURTQA JAQYNDATÝ ShARASY. Qaraǵandy qalasynda “Tanysýǵa ruhsat etińiz” atty aksııa ótti. Ol ýchaskelik polısııa ınspektorlarynyń turǵyndar arasynda qyzmeti mártebesin kóterýge, sondaı-aq tártip buzýshylyqtyń aldyn alý jumystaryn jetildirýge arnaldy. Aldymen operatıvtik jaǵdaıǵa jan-jaqty taldaý jasalyp keıin ýchaskelik tártip saqshylary úı-úılerdi, aýlalardy aralap, azamattarmen kezdesýler ótkizdi. Buǵan qalalyq ishki ister departamentiniń basshylary, jaýapty qyzmetkerleri qatysty. Qala boıynsha 34 ýchaskelik polısııa beketi bar. Onda 147 ınspektor qyzmet etýge qamtylǵan. Atalǵan aksııa kezinde olar jurtqa tanylyp, olarǵa jaqyndaı tústi.
Aıqyn NESIPBAI,QARAǴANDY.
HALYQARALYQ ǴYLYMI KONFERENSIIа. Qaı salada bolsa da ǵylym jetistikterin jete paıdalaný máselesi kún tártibine ótkir qoıylyp keledi. Osy maqsatty kózdegen halyqaralyq ǵylymı konferensııa Qarasaı aýdanyndaǵy Kazaq eginshilik jáne ósimdik sharýashylyǵy ǵylymı-zertteý ınstıtýtynda “Eginshiliktiń, aýyl sharýashylyǵy daqyldarynyń seleksııasy men bıologııasynyń jetistikteri jáne bolashaǵy” degen taqyrypta órbip, onyń jumysyna Reseı, Belarýs, Ýkraına, Mońǵolııa, Tájikstan jáne basqa elderden ǵalymdar qatysty. Jınalǵandar ǵylymı-zertteý ınstıtýtynyń dalalyq negizdegi aýdandastyrylýǵa yńǵaılastyrylǵan arpa men sulynyń –30, bıdaıdyń 25 sortty túrleriniń tájirıbeden ótkenine joǵary baǵalaryn berdi. Birneshe kúnge sozylǵan jıynda shet elderden kelgen ǵalymdar halyqtyń ómir súrý deńgeıin jaqsartý men ekologııalyq jaǵynan taza ónim ósirý jóninde ortaq pikirge kelip, ǵylym sapasyn kóterý qajettigimen kelisti.
Kúmisjan BAIJAN, Almaty oblysy.
ANNA KELIN ÁN SALDY QALYQTATYP. Qazaqtyń jigitterimen otaý quryp, baqytyn tapqan ózge ult ókilderi kóp. Sonyń biri –Tarazda turatyn nemis qyzy, Mádenıet qaıratkeri Anna Výnder. Qazaqsha, nemisshe jáne oryssha án salatyn qazaqtyń kelini Anna ótken aptada Inder aýdanynyń jurtshylyǵyn ónerimen tánti etti. Ánshiniń kúıeýi Qarjaýbaı Tileýqabyluly da qońyr dombyramen án salatyn ánshi, ári kompozıtor. О́nerdi serik etken bul otbasynyń uly Tımýr da halyqaralyq saıystarǵa qatysyp, talaı júldege ıe bolǵan eken. Olarmen birge jas ánshi Anar Ábsadyqova da birneshe án oryndap, ónersúıer qaýymnyń yqylasyna bólendi.
Joldasbek ShО́PEǴUL,Atyraý oblysy.
JAŃA JINAQTYŃ TUSAÝY KESILDI. “Taza bulaq” qoǵamdyq qory bıyl “Elim meniń” atty patrıottyq ánder baıqaýyn ótkizgen bolatyn. О́tken aptada osy baıqaý jeńimpazdary oryndaǵan ánder jınaǵynyń tusaýkeseri ótti. Oǵan basqalarmen birge qostanaılyq eń jas kompozıtor, Astanadaǵy mýzyka akademııasynyń stýdenti Jansaıa Rysmaǵanbetovanyń ánderi de kirdi. Ol qazirdiń ózinde 20-dan asa patrıottyq ánderdiń avtory. Tusaýkeser keshinde qostanaılyq jas talap ánshiler, aqyndar, jýrnalıster óner men ádebıet salasyndaǵy aǵa býyn ókilderimen kezdesti, olardyń aqyl-keńesin tyńdady.
Názıra JÁRIMBETOVA, QOSTANAI.