Qyrǵyzstan Ulttyq qaýipsizdik memlekettik komıtetiniń burynǵy tóraǵasy Qamchybek Táshıev Ishki ister mınıstrligindegi tergeýden keıin alǵash ret jurt aldyna shyqty. Áleýmettik jelilerde taraǵan vıdeoda ol Oraza aıt merekesimen quttyqtap, el-jurttan keshirim surady, dep jazady Egemen.kz.
Beınejazbada Táshıev kópshilikti merekemen quttyqtap, eger bireýdiń kóńiline tıgen bolsa, keshirim ótinetinin aıtty.
«Eger men qatelik jasap, bireýdi renjitken bolsam, keshirim suraımyn. Qasıetti aıda túrli ósek taratyp, jala japqandardyń barlyǵyn Alla razylyǵy úshin keshirdim. Keleside shyndyqqa saı kelmeıtin aqparat taratpaıdy dep úmittenemin», dedi ol.
Qyrǵyzstan prezıdenti Qamshybek Táshıevti qyzmetinen bosatty
Buǵan deıin, 19 naýryz kúni Qamchybek Táshıevtiń Ishki ister mınıstrligine tergeý-operatıvtik is-sharalar aıasynda kýáger retinde shaqyrylǵany habarlanǵan edi. Áńgime eki qylmystyq is boıynsha júrgizilgen. Ol tergeýshimen advokatynyń qatysýymen sóılesken.
Qamshybek Tashıev: Qyzmetten bosatylý men úshin kútpegen sheshim boldy
Saıasattanýshy Arkadıı Dýbnovtyń pikirinshe, burynǵy kúshtik qurylym basshysynyń tóńiregindegi oqıǵalar jaı ǵana kadrlyq ózgeris emes.
«Bul – aqpan aıynda bastalǵan «beıbit revolıýsııanyń» jalǵasy. Táshıevke qatysty tergeý bılik ishindegi yqpaldyń baıypty, biraq qatań qaıta bólinip jatqanyn kórsetedi», dedi sarapshy.
Osylaısha, Táshıevtiń kópshilik aldyna shyǵýy el ishindegi saıası úderisterdiń áli de jalǵasyp jatqanyn ańǵartady.