Aqtóbede Naýryznama aıasynda «Er Edige» mektebi halyqaralyq mádenı joba uıymdastyrdy, dep jazady Egemen.kz.
Bastama ulttyq halyq aýyz ádebıetiniń asyl murasy sanalatyn jyraýlyq dástúrdi saqtaý, damytý jáne jas urpaq tárbıesindegi rýhanı mańyzyn aıqyndaý maqsatynda uıymdastyrylǵan.
Júz jyl burynǵy jyr
Is-shara aıasynda 36 jyrshy jyrdy birinen soń biri úzdiksiz 24 saǵat boıy oryndap, ulttyq jyraýlyq dástúrdiń ómirsheńdigin dáleldedi. Baǵdarlamaǵa «Qyrymnyń qyryq batyry» epıkalyq sıkliniń 31 000 joldan turatyn 36 dastany jáne «Paıǵambarlar qıssasy» endi.
Jyrlaý kóne dástúrli qurylym boıynsha júrgizilip, oryndaýshylar bir-birinen ilip áketý tásili arqyly epostyń úzdiksizdigin saqtady.
Dástúr men tulǵa: jyraýlyq joldyń sabaqtastyǵy
Jyr jobasyna Azııa men Afrıka elderi boıynsha GBR álemdik rekordtar kitabynyń ókili joba nátıjesin resmı túrde tirkedi. Nátıje talaptarǵa sáıkes rastalyp, joba álemdik rekordtar tizimine endi.