22-naýryz Ulystyń uly kúni Shyiys Qazaqstan oblysynda keń kólemde atalyp ótildi. Mereke kúni Respýblıka alańynda qazaqtyń ulttyq kıimin kıgen 5 201 dombyrashy bir mezette «Aqbulaq» ánin oryndap, álemdik rekord ornatty, dep jazady Egemen.kz.
Qolyna dombyra alǵandar arasynda aımaq basshysy Nurymbet Saqtaǵanov ta boldy. Saltanatty is-shara resmı túrde Gınnesstiń rekordtar kitabyna endi. Álemdik rekordty rastaıtyn sertıfıkat oblys ákimine tabystaldy.
Endi dombyrany ushaq salonyna alyp kirýge bolady
О́ńir ortalyǵynda Naýryzǵa oraı alańda 10 aqshańqan kıiz úı tigildi. Qala turǵyndary men qonaqtaryna arnalǵan merekelik baǵdarlama mazmundy ári alýan túrli boldy. Konsert qoıylyp, ulttyq oıyndar oınatylyp, jármeńkeler uıymdastyryldy.
Táýlik boıy úzilissiz jyrlady: Aqtóbelik jyr jobasy álemdik rekordtar tizimine endi
«Barshańyzdy Ulystyń uly kúnimen shyn júrekten quttyqtaımyn! Áz-Naýryz - bereke men birliktiń, yrys pen yntymaqtyń bastaýy, jaqsylyqtyń jarshysy. Memleket basshysy Qasym-Jomart Kemeluly Toqaevtyń bastamasymen tól merekemiz jańa mazmunda, jańa sıpatta toılanyp keledi. Ár shańyraqqa qut-bereke, shattyq pen qýanysh tileımin. Ulys oń bolsyn! Aq mol bolsyn!», dedi Nurymbet Saqtaǵanov.