17 naýryz kúni Abaı aýdanynda 56 jastaǵy er adam joǵalyp ketti. Sol kúni ol atpen mal izdeýge shyǵyp, qaıta oralmaǵan. Habar túsken boıda Abaı aýdanynyń polısııa qyzmetkerleri dereý izdestirý jumystaryna kirisken, dep jazady Egemen.kz.
Izdeý jumystary táýlik boıy júrgizilgen. Polısııa men qutqarýshylar izdeý barysynda jolsyz jerler, kúrdeli jer bederi, batpaq, topyraq bolyp, prosess qıyn bolǵanyn atap ótti. Osyndaı jolda tehnıka birneshe ret turyp qalsa da, izdeý jumystary bir sátke de toqtamaǵan. Operasııaǵa sharýashylyq ıesi de qatysqan.
Qolaısyz aýa raıy men tabıǵı jaǵdaılarǵa qaramastan, polısııa qyzmetkerleri men qutqarýshylar tabandylyq tanytyp, aýmaqty muqııat tekserip, barlyq yqtımal baǵytty qarady.
Polıseıler shopandardy jaıaý júrip izdep tapty
Izdeýdiń 5-kúni tańsáride joǵalǵan er adam din aman tabyldy. Belgili bolǵandaı, janýardy turǵyzýǵa kómektespek bolǵan sátte er adam attyń astynda qalyp, aıaǵyn syndyryp alǵan. Jaraqatyna baılanysty ózdiginen qozǵala almaı, osy ýaqyt boıy dalada jatqan.
Tabylǵannan keıin oǵan sol jerde alǵashqy medısınalyq kómek kórsetildi.
Qutqarýshylar adasqan azamatty izdep tapty
«Bes kún boıy úmit pen kúmánniń arasynda boldym. Aınalam tym-tyrys edi, qozǵala almadym, ár mınýt saǵattaı kórindi. Biraq meni izdep jatqanyn bildim. Tań ata alystan adamdardyń daýsyn estigende, úmitim qaıta oıandy. Sol sátte ómirdiń qanshalyqty qymbat ekenin túsindim. Meni tapqan polıseıler men qutqarýshylarǵa sheksiz rızamyn. Olardyń tabandylyǵy men adamgershiligi meniń ómirimdi saqtap qaldy», dedi qutqarylǵan azamat.