Qazaqstan azamaty Grýzııadan elge ekstradısııalandy. Operasııa Bas prokýratýra men IIM Interpolynyń Ulttyq ortalyq bıýrosynyń qyzmetkerleriniń qatysýymen, sondaı-aq Qazaqstannyń Grýzııadaǵy elshiliginiń qoldaýymen júzege asyryldy. Ol ekonomıkalyq salada jasaǵan birqatar aýyr qasaqana qylmystary boıynsha jaýapqa tartylady, dep habarlaıdy Egemen.kz.
Tergeý derekterine sáıkes, kúdikti 2019-2021 jyldary uıymdasqan qylmystyq top quramynda bolyp, elimizdiń birneshe óńirinde qarjy pıramıdalarynyń jumysyn basqarǵan. Alaıaqtyq shemalar arqyly azamattarǵa joǵary tabys ýáde etilip, nátıjesinde 10 mıllıard teńgeden astam qarajat zańsyz tartylǵan.
Qylmystyq toptyń keıbir músheleri buǵan deıin sottalyp úlgergen. Al negizgi kúdikti qylmys jasaǵannan keıin jasyrynyp, halyqaralyq izdeýge jarııalanǵan.
Kókshetaýda 136 mln teńge jınaǵan qarjy pıramıdasynyń uıymdastyrýshylaryna úkim shyqty
2026 jyldyń aqpan aıynda ol Grýzııa aýmaǵynda qolǵa túsip, Qazaqstan tarapynyń suraýy negizinde ekstradısııalandy. Qazirgi tańda kúdikti tergeý ızolıatoryna qamalyp otyr.
6,8 mlrd teńge shyǵyn keltirgen: Abaı oblysynda qarjy pıramıdasy áshkere boldy
Oǵan taǵylǵan aıyptar boıynsha múlki tárkilenip, 12 jylǵa deıin bas bostandyǵynan aıyrý jazasy qarastyrylǵan.