Áskerge shaqyrý naýqanynyń qyzǵan shaǵynda qorǵanys mınıstriniń tárbıe jáne ıdeologııalyq jumys jónindegi orynbasary general-maıor Asqar Mustabekov Astanada shaqyrylýshylardy irikteý jumysynyń qalaı uıymdastyrylatynyn jáne bolashaq áskerı qyzmetshilerge qandaı jaǵdaı jasalǵanyn tekserdi, dep jazady Egemen.kz.
Qorǵanys mınıstrliginiń málimetinshe, Astananyń jınaý pýnktinde basty nazar sıfrlyq sheshimderge aýdarylǵan. «Smart-voenkomat» jáne «e-Medosmotr» jobalary rásimderdi jyldamdatýǵa, adam faktoryn azaıtýǵa jáne shaqyrý prosesin barynsha ashyq etýge múmkindik beredi.
Sondaı-aq Qorǵanys isteri jónindegi departamenti, ákimdik jáne ardagerlik uıymdardyń ókilderimen birge áskerdi jasaqtaý jáne barlyq qatysýshy qurylymdardyń ózara is-qımyly máseleleri talqylandy.
Almaty men Túrkistanda jańa áskerı nysandar salynyp jatyr
Jıynda áskerge shaqyrylýshylarǵa erekshe nazar aýdaryldy. Ashyq áńgime barysynda general-maıor Asqar Mustabekov olardyń kóńil kúıi, turǵylyqty jaıy jáne qyzmetke daıyndyqtary týraly surady. Jastarǵa «Srochnık 2.0» baǵdarlamasynyń artyqshylyqtary men bul baǵdarlama qyzmetten keıin eldiń jetekshi joǵary oqý oryndaryna túsýge múmkindik beretini aıtyldy.
«Toǵyzynshy synyptan keıin áskerı kolledjge túskim keldi, biraq múmkindik bolmady. Ýnıversıtetti bitirgen soń áskerge barýǵa, mindetti qyzmetti óteýge naqty sheshim qabyldadym. Qazir medısınalyq tekserýden ótip, MKQ qataryna qujat jınap júrmin», dedi áskerge shaqyrylýshy Altaır Sáken.
Kóktemgi áskerge shaqyrý: О́tinimdi endi onlaın berýge bolady
Qorǵanys mınıstriniń orynbasary ornalastyrý jaǵdaıyna, tamaqtandyrýdyń uıymdastyrylýyna jáne medısınalyq komıssııa jumysyna baǵa berdi. Tekseristerdiń sapasy men kabınetterdiń jabdyqtalýyna jiti nazar aýdaryldy.
«Astananyń jınaý pýnktindegi barlyq prosester qajetti deńgeıde uıymdastyrylǵan, munda ashyqtyq pen shaqyrý naýqanynyń tıimdiligin arttyrýǵa baǵyttalǵan zamanaýı sıfrlyq sheshimder qoldanylady. Shaqyrylýshylar úshin barlyq qajetti jaǵdaılar jasalǵan», dedi ol.
Áskerı-teńiz kúshteriniń jaýyngerlik ázirligi tekserildi
Memlekettik organdar men qoǵam ókilderimen kezdesýde general-maıor Asqar Mustabekov shaqyrylýshylarǵa moraldyq qoldaý kórsetýdiń rólin erekshe atap ótti. Ol ardagerlerdiń qatysýy men kúshtik qurylymdarmen ózara is-áreket jastarǵa qyzmettiń bastapqy kezeńinen senimdi ótýge jáne onyń mańyzyn túsinýge kómektesetinin aıtty.