Astana qalasynda ótken basketboldan 18 jasqa deıingi qyzdar arasyndaǵy Ortalyq Azııa aımaǵynyń irikteý týrnırinde Qazaqstan quramasy top jaryp, Azııa kýbogine joldama jeńip aldy. Bul týraly Týrızm jáne sport mınıstrligi habarlady, dep jazady Egemen.kz.
Jarys qorytyndysy boıynsha Qazaqstan quramasy 1-orynǵa ıe boldy. Ekinshi oryn О́zbekstanǵa buıyrsa, Qyrǵyzstan komandasy qola júldeni ıelendi.
Týrnır jeńimpazy atanǵan Qazaqstannyń jas basketbolshylary 2026 jyldyń qyrkúıeginde Taılandta ótetin FIBA U18 Women’s Asia Cup jarysyna qatysý múmkindigine ıe boldy. Bul – jas sportshylar úshin úlken halyqaralyq alańǵa jol ashatyn mańyzdy jetistik.
Atyraýda basketbol alańynda 13 jastaǵy jasóspirim kóz jumdy
Astanada ótken irikteý týrnıri áıelder basketboly úshin mańyzdy oqıǵa retinde baǵalandy. Jarys FIBA talaptaryna tolyq sáıkes joǵary deńgeıde uıymdastyryldy.
Sondaı-aq matchtarǵa qyzmet kórsetý úshin Koreıa men Mońǵolııadan halyqaralyq dárejedegi tóreshiler shaqyryldy. Bul jarystyń sapasyn arttyryp qana qoımaı, otandyq tóreshiler men mamandar úshin de tájirıbe alańyna aınaldy.
Aıta keteıik, mundaı halyqaralyq týrnırlerdi Qazaqstanda ótkizý:
Jas sportshylardyń sheberligin arttyrýǵa; Jattyqtyrýshylar men tóreshilerdiń tájirıbe jınaýyna; Eldegi áıelder basketbolynyń damýyna; Qazaqstannyń halyqaralyq sporttaǵy bedelin nyǵaıtýǵa yqpal etedi.Sala mınıstrligi atap ótkendeı, elimizde osyndaı deńgeıdegi jarystardyń ótýi sport ınfraqurylymynyń damyǵanyn jáne halyqaralyq standarttarǵa saı ekenin kórsetedi.
Basketbol bastamasy