О́skemen qalasy polısııa basqarmasynyń esirtki qylmysyna qarsy is-qımyl bóliminiń qyzmetkerleri esirtki taratýmen aınalysqan 30 jastaǵy er adamdy ustady, dep habarlaıdy Egemen.kz.
Polısııanyń málimetinshe, kúdiktini tintý barysynda untaq tárizdi zaty bar 12 túıinshek jáne uıaly telefon tárkilengen. Páterdi tintý kezinde qosymsha taǵy bes uıaly telefon tabylǵan.
Ishki ister mınıstrligi 34 jasyryn esirtki zerthanasyn joıdy
Zertteý nátıjeleri boıynsha tárkilengen zattyń jalpy salmaǵy 20 gramnan asatyn «a-PVP» psıhotroptyq zaty ekeni anyqtaldy. Bul qoldanystaǵy qylmystyq zańnamaǵa sáıkes iri mólsherge jatady.
Esirtki qylmysyn otbasylyq bızneske aınaldyrǵandar ustaldy
Kúdikti 2026 jyldyń qańtar aıynda Almaty qalasynda Telegram messendjeri arqyly kýrer-jasyrýshy bolyp jumysqa ornalasqan. Naýryz aıynyń basynda kýratordyń nusqaýymen ol О́skemenge kelip, baspana jaldap, tyıym salynǵan zattardy taratýmen aınalysqan.
«Kúdikti ýaqytsha ustaý ızolıatoryna qamaldy. Sotqa deıingi tergeý amaldary júrgizilip jatyr», delingen ShQO polısııa departamentiniń habarlamasynda.