Qytaıdyń Ordos qalasynda ótip jatqan Azııa chempıonatynda Qazaqstan dzıýdoshylary kúmis medal oljalady, dep habarlaıdy Egemen.kz.
Jarys baǵdarlamasynyń sońǵy kúni aralas komandalar arasynda saıys ótti. Fınalda Qazaqstan quramasy Mońǵolııamen kezdesti.
Qarsylas komanda 4:0 esebimen jeńiske jetti. Bul kezdesýde Dana Ábdirova (57 kelige deıin), Ánýar Jumageldın (73 kelige deıin), Aıda Toıshybekova (70 keliden joǵary) jáne Ǵalymjan Qyryqbaı (90 keliden joǵary) qarsylastaryna jol berdi.
Eýropa kýbogi: Qazaqstan dzıýdodan altyn medal jeńip aldy
Osylaısha, Qazaqstan quramasy qurlyq birinshiligin alty júldemen aıaqtady. Buǵan deıin Ádilet Almat (81 kelige deıin) altyn medal jeńip alǵan bolatyn. Al Esmıgúl Kýıýlova (63 kelige deıin), Abylaıhan Jubanazar (81 kelige deıin), Aıdar Arapov (90 kelige deıin) jáne Arýna Jangeldına (78 kelige deıin) qola júldege ıe boldy.