«Qyz Jibek» fılminde basty róldi somdaǵan aktrısa Merýert О́tekeshova kamzol daýyna qatysty pikir bildirdi. Ol Baıan Alagózovanyń qolyndaǵy kamzoldyń túpnusqa ekenin rastady, dep habarlaıdy Egemen.kz.
Bıyl 75 jasqa tolǵan aktrısa jýrnalıst Gúlbaný Ábenovaǵa fılmniń kóptegen rekvızıtteri men kostıýmderi jan-jaqqa tarap ketkenin aıtqan. Ol mýzeıde saqtalǵan jalǵyz ǵana nusqa baryn, biraq oǵan durys kútim jasalmaı otyrǵanyn jetkizgen.
Baıan Maqsatqyzynyń qolyndaǵy kamzol buǵan deıin bireýdiń úıinde sandyqta jatqan.
Merýert О́tekeshova kamzol qaıda saqtalýy kerek degen saýalǵa óz pikirin bildirgisi kelmegen. Kamzol tóńiregindegi áńgimeniń tym kóbeıip ketkeni aktrısaǵa asa unaı qoımaǵan.
«Qazir aktrısanyń pikirinshe, áńgime eń aldymen ózi týraly aıtylýy kerek. Sebebi osy fılmde oınaǵandardyń ishinen tiri qalǵan jalǵyz ózi ekenin aıtty», dep jazdy G.Ábenova Facebook paraqshasynda.
Eske salaıyq, buǵan deıin Mádenıet jáne aqparat mınıstrligi «Qyz Jibek» fılminiń rekvızıtterine qatysty málimdeme jasaǵan edi.