Bıylǵy asa jaıma-shýaq aýa raıy almatylyqtarǵa Naýryz merekesin tamasha atap ótýge qolaıly jaǵdaı týǵyzdy. Aıtqandaı, basynda jyl basyn burynǵydaı Táýelsizdik alańynda toılaýdy tarıhı Ortalyq mádenıet jáne demalys saıabaǵyna aýystyrý týraly qala ákimdiginiń sheshimine keıbir turǵyndar tarapynan túsinispeýshilik týyndaǵandaı bolǵan-dy. Alaıda, Naýryz meıramyn toılaýǵa arnalǵan merekelik sharalardy Ortalyq saıabaqqa aýystyrý ońdy sheshim bolǵanyna megapolıs turǵyndarynyń kózderi jetti.
Sonymen, almatylyqtar men shahar qonaqtaryna Naýryz meıramynyń tarıhy, dástúri men nanym-senimderi jaıly teatrlandyrylǵan qoıylymdar kórsetildi. Merekelik sharany kem degende 100 myńnan astam halyq tamashalady, dep habarlady Almaty qalasy ákiminiń baspasóz qyzmeti.
Al merekeni qalyptasqan dástúr boıynsha qala basshysy ashyp berip, Naýryz ben naýryz arasynda elimizge tynyshtyq pen tatýlyq, bastaǵan isterdiń baıandy bolýyn tilep:
– Naýryz – qashanda halqymyzdyń baı salt-dástúrin ulyqtap, ózara yntymaǵymyz ben berekeli birligimizdi nyǵaıta túsetin, erteden jetken qasıetti meıram. Naýryz bizdiń naǵyz jańa jylymyz bolýy kerek dep Elbasy atap ótkendeı, táýelsizdik alǵan soń, Naýryz meıramy qaıta jańǵyryp, elimizdiń túkpir-túkpirinde ótkizilip keledi. Búginde jalpy, halyqtyq merekege aınalǵan Ulystyń uly kúnine biz el irgesiniń tynyshtyǵy men ilgeri damýynyń arqasynda jettik. Eldegi turaqtylyq pen tutastyqtyń arqasynda ekonomıkamyz jyl saıyn kóterilip, halyqtyń ál-aýqaty artyp keledi. Halyqty áleýmettik qoldaý men ınfraqurylymdy damytý damyldaǵan emes. Bul jumystar turaqty jalǵasyn tabady, – dedi Ahmetjan Esimov.
Almaty qalasynyń ákimi Naýryz meıramyn toılaýda memlekettik menshikke qaıtarylǵan Ortalyq mádenıet jáne demalys saıabaǵy basty alań atanǵanyn tilge tıek etti.
– Búgin biz Naýryzdy almatylyqtar úshin aıryqsha oryn alatyn saıabaqta toılaýdamyz. О́tken jyly Ortalyq mádenıet jáne demalys saıabaǵynda qaıta jóndeý jáne kóriktendirý jumystaryn júrgizdik. 2 myńnan astam jasyl jelek pen gúlder otyrǵyzdyq. Sondaı-aq, 350 orynǵa arnalǵan yńǵaıly kólik turaǵyn saldyq. Saıabaqty jańǵyrtý jumystary áli de jalǵasyn tabady, – dep atap ótti shahar basshysy.
Merekelik konsertte elge tanymal ártister, túrli shyǵarmashylyq toptar óner kórsetti. Saıabaq aýmaǵynda 30-dan astam kıiz úı tigilip, naýryz-kóje, baýyrsaq jáne taǵy basqa ulttyq taǵamdar daıyndalyp, kóne aspaptar jármeńkesi uıymdastyryldy. О́ner kórsetken ártister elimizdegi túrli ult ókilderiniń ulttyq bıin sahnalady.
Merekelik toılaý Ortalyq mádenıet jáne demalys saıabaǵyndaǵy «Spartak» stadıonynda jalǵasyn taýyp, 21.00-de «Kók-Tóbe» saıabaǵyndaǵy otshashýmen aıaqtalady.
Aınash ESALI,
«Egemen Qazaqstan».
ALMATY.