ASTANA. 18 mamyr. О́tken senbi, jeksenbi kúnderi Astanada 1 aılyq jaýyn-shashyn mólsheri jaýdy. Sonyń saldarynan birqatar kósheler jabylyp, kommýnaldyq qyzmet kúsheıtilgen rejımde jumys istedi. Nóser jaýynnyń saldaryn joıý kezinde qaladan 2 kúnde 10 myń tekshe metr sý sorylǵan. Bul týraly Astana qalasy ákimdiginiń resmı saıty astana.gov.kz habarlady.
Qalalyq kommýnaldyq sharýashylyq basqarmasynyń habarlaýynsha, 17 mamyr kúni «Almaty» aýdanynan – 4 242, «Saryarqa» aýdanynan – 2 989, al «Esil» aýdanynan 1 177 tekshe metr jańbyr sýy sorylǵan. Bul jumystar búgin de óz jalǵasyn tapty. Qazirgi kezde 80-ge jýyq mamandandyrylǵan tehnıka tıisti jumystardy júrgizýde.
«Qazgıdromettiń» boljaýynsha, Astanada jaýyn-shashyndy aýa raıy áli 3 kún, ıaǵnı, 20 mamyrǵa deıin saqtalmaq.
Elaman Qońyr.
Derek, sýret: astana.gov.kz.