Qazaqstannyń Norvegııadaǵy elshiligi Qazaqstan-Norvegııa mádenı ortalyǵymen birlese, Oslonyń merııasy uıymdastyrǵan mádenıet jáne til festıvaline qatysty.
Qazaqstan mádenıeti buryshynda mádenı-tarıhı, arheologııalyq eskertkishterdiń beınelerin, Qazaq eliniń salt-dástúrlerin kórsetetin, Astananyń qazirgi arhıtektýrasynyń jáne Almatynyń olımpıadalyq obektileriniń sýretterin qamtıtyn fotokórme uıymdastyrylyp, kópshilik nazaryna ulttyq kıimder kórmesi men Qazaqstan týraly kitaptar usynyldy. Festıvalǵa qatysýshylar sándik-qoldanbaly ónermen tanysyp, eldiń án-kúıin tyńdap, Qazaqstan-Norvegııa mádenı ortalyǵynyń basshysy Almagúl Qalelovanyń oryndaýynda ulttyq bıdi tamashalady jáne «Qazaqstanǵa hosh keldińiz» beıne-rolıgin kórip, ulttyq taǵamdardan dám tatty. Festıval barysynda alýan túrli aqparattyq-ımıdjdik materıaldar taratyldy.
Qazaqstannyń mádenıetine arnalǵan stend kópshilik tarapynan joǵary baǵaǵa ıe boldy. Norvegııalyqtardyń kópshiligi Qazaqstanǵa barýǵa qyzyǵýshylyq tanytty.
«Egemen-aqparat».