«Mamyrgúl ıisi ańqyǵan qala...» atty Almatyda gúlder festıvali ótti

Jaqynda Almatyda Uly Jeńistiń 70 jyldyǵyna arnalyp erekshe festıval bastaldy. Almatyǵa mamyrdyń kelgenin mamyrgúldiń ıisi ańqyǵanynan bilesiń. Osynaý ádemi gúl ári Jeńis meıramymen de astasyp jatyr.

Onyń ústine kezinde Uly Otan soǵysynda qaza bolǵan ata-babalarymyzdyń qurmetine osydan jarty ǵasyrdan astam ýaqyt buryn jerlesterimiz Marııam Saǵıtova men Tadeýsh Dzevıskıı Almatydaǵy 28 gvardııashy-panfılovshylar baǵynda Mamyrgúl alańyn («Sırenovaıa polıana») otyrǵyzǵan eken. Sodan beri bul alańdaǵy mamyrgúldiń túrleri 300-ge jetken. Onyń ishinde «Anama syılyq», «Aqqý», «Súıinshi» atty túrleri arnaıy avtorlyq kýálik alǵan. Iаǵnı, býdandastyrylǵan osynaý mamyrgúlderdiń ıeleri bar.

Ádemiligi kózdiń jaý­yn ala­tyn, ıisi jupar osynaý baq­­­tyń gúldenýine, otan­dyq mamyr­gúl­derdiń ǵa­jap su­ryp­tarynyń paıda bolýyna Qazaq KSR Ǵylym akademııa­sy­nyń Bas botanıkalyq baǵynyń qyz­metkerleri Antonına Mel­nık, Valentına Rýbanık pen Borıs Dıagılev sııaqty seleksıoner mamandardyń sińirgen eńbegi bar ekenin umytpaý qajet.

Kezinde mamyrgúlderdiń Qazaqstandaǵy kolleksııalyq alańyndaǵy suryptaryna keshegi keńestik aýmaqtyń botanıkteri kóp qyzyǵýshylyq týǵyzǵan bolsa, qazir de «Snejnyı kom», «Ka­­zahstanskıı sývenır», «Aka­demık Q.Sátbaevtyń qur­metine», «Lılovaıa Pıramıda», «Shyǵys shuǵylasy», «Han Táńiri», «Qa­zaqstandyq» deıtin túrleri esh jerde kezdespeıdi.

О́kinishke qaraı, ómirin osy­naý gúlderge arnaǵan selek­sıonerlerdiń kózderi ketken soń, mamyrgúldiń keıbir túrleri joıylǵan. Son­dyqtan, tabıǵattyń osynaý baı­lyǵyn joǵaltyp almaý úshin bul máselege beıjaı qaramaıtyn jandar jańa bastamany qolǵa alyp otyr.

Endigi jerde Jas natýra­lıster stansasynyń aýmaǵynda ma­myr­gúlderdiń barlyq suryp­taryn otyrǵyzyp, kóbeıtýdi qolǵa al­maq. Sóıtip, mektep aýlalarynda, Qazaqstan Respýblıkasynyń Tuńǵysh Prezıdenti saıabaǵynda mamyrgúlder alleıasyn jaı­qaltatyn bolady.

Jas natýralıster stansasynda ótken alǵashqy mamyrgúl fes­tıvali «Mamyrgúl ıisi ańqy­ǵan qala...» dep atalady.

Festıval baǵdarlamasy aıasynda mamyrgúl túrleriniń kórmesi, Bas botanıkalyq baq mamandarymen kezdesýler, «Jeńiske salıýt» atty jas aranjırovshıkter baıqaýy, «Men mamyrgúldi súıemin» atty sýret konkýrsy, monshaq tigý sııaqty túrli qyzyqty sharalar uıymdastyrylýda.

Aınash ESALI, «Egemen Qazaqstan».