ASTANA. 19 mamyr. Aqorda búgin Qazaqstan Respýblıkasynyń Prezıdenti Nursultan Nazarbaevtyń balyq aýlaǵan sáti beınelengen vıdeony jarııalady. Bul týraly Tengrinews.kz habarlady.
Vıdeoda Nursultan Nazarbaevtyń oıyqtan ortasha kólemdi balyqty aýlap, tysqa shyǵary jatqany beınelengen.
Memleket basshysynyń baspasóz qyzmeti arhıvten Qazaqstan Prezıdentiniń qatysýymen túsirilgen sýretter men vıdeolardy osylaısha ara-tura Instagram áleýmettik jelisiniń resmı paraqshasyna jarııalap turady.
Búgin @akordapress paraqshasynda Nursultan Nazarbaevtyń kamýfýlıaj ben jyly malaqaı kıip alyp, balyq aýlap júrgen sáti paıda boldy.
Vıdeo sıpattamasynda «Prezıdenttiń beıne muraǵatynan: Oıyqtan balyq aýlaý, 2010 j.», - dep jazylǵan. Atap ótý kerek, jarty saǵat ishinde vıdeoǵa 1300 laık jınady. Al Instagram áleýmettik jelisindegi @akordapress paraqshasyna shamamen 57 myń adam jazylǵan.
Memleket basshysynyń baspasóz qyzmeti Instagram jelisindegi paraqshasynda Qazaqstan Prezıdenti beınelengen sýretter men vıdeolardy jıi jarııalap otyrady.
Eske sala keteıik, Prezıdenttiń baspasóz qyzmeti osyǵan deıin Nazarbaevtyń kólik júrgizip kele jatqan sýreti men vıdeosyn jarııalaǵan edi.
https://youtu.be/eQJbFTp8XIo