QOSTANAI. 19 mamyr. Qostanaı oblysynyń ońtústik aýdandarynda ornalasqan «Altyn dala» memlekettik tabıǵı rezervatyndaǵy ólgen kıikterdiń sany 10 myńǵa jýyqtady, dálirek aıtsaq, 9865 kıiktiń óleksesi joıyldy. Bul týraly egemen.kz tilshisi habarlady.
Qostanaı oblysynyń ońtústigindegi Amangeldi aýdanynyń Jolaba jáne Qaısar qystaqtary arasynda kıiktiń óle bastaǵanyn «Altyn dala» memlekettik tabıǵı rezervatynyń qyzmetkerleri 11 mamyr kúni baıqaǵan bolatyn. Olar sol kúni 117 kıiktiń óleksesin terip alyp, joıǵan edi. Sol kúnnen bastap kıik jappaı qyryldy. 13 mamyr kúni myńqaraly kıik qyrylsa, aptanyń aıaǵynda onyń sany 550-deı, al mamyrdyń 19 kúni oqıǵanyń basynda júrgen mamandar 10 myńǵa jýyq kıik óleksesin joıǵanyn habarlaǵan.
Oblystyq Orman sharýashylyǵy jáne janýarlar dúnıesi oblystyq aýmaqtyq ınspeksııasy basshysynyń mindetin atqarýshy Nurqan Sársenov» «Altyn dala» rezervatynyń kıik qyrylyp jatqan jerinde júrgen bizdiń mamandarmen eshqandaı baılanysqa shyǵa almaımyz, múmkindik joq. Tek Amangeldi aýdanynyń ortalyǵynda ornalasqan «Altyn dala» rezevatynyń keńsesine kúnde oqıǵa ornynan bir adam kelip, málimetti tastaıdy da qaıtyp ketedi. Biz barlyq málimetterdi solardan alyp otyrmyz», dedi.
Amangeldi aýdany basshylarynyń barlyǵy da oqıǵa bolǵan jerde. Eshkimmen habarlasyp, jergilikti jaǵdaıdy bilýge múmkindik bolmady.
Názıra Járimbetova.
Derek, sýret: egemen.kz