Máńgilik El qundylyqtary

Táýelsizdiktiń eleń-ala­ńyn­da qandaı edik? Zaýyt-fab­rı­kalar jumysyn toqtatyp, ju­mysshylar sendelip ketti. Jalaqy da, zeınetaqy men balalar jár­dem­aqysy aılap qolǵa tımedi. Qazir sonyń bári kórgen tústeı óte shyqty. Táýelsizdik elimizdiń qarqyndy órkendeýine serpin berdi. Qazaqstandy álem elderi tanydy. Qazaqstanǵa álem elderiniń nazary aýdy. Álemniń barsha elimen iskerlik, áriptestik baılanys ornyqty. Elimizge ınvestısııa salýǵa umtylǵan elder qatary, sheteldik kompanııalar kóbeıdi. О́z jastarymyzdyń sheteldik mamandarmen básekelestik deńgeıi artty. Elimizdiń eksporttyq áleýeti kóterildi. Árıne, munyń bári bir mezette iske asa qoıǵan joq. Buǵan Elbasy Nursultan Nazarbaevtyń Qazaqstandy qýatty memleketke aınaldyrý ıdeıasynyń ómirsheńdigi oń yqpalyn tıgizip otyr. Endi aldymyzda úlken maqsat tur. Ol – Qazaqstandy eń damyǵan 30 eldiń qataryna engizý. Bul úshin otandyq ekonomıkany jan-jaqty órkendetip ǵana qoımaı, keleshekte qýatty ári máńgilik memleketke aınaldyrýdy iske asyrýymyz qajet. Osy oraıda, Elbasy Nursultan Nazarbaev usynǵan naqty 100 qadamnyń mańyzdylyǵyn barshaǵa keńinen nasıhattaý qajettigi týyndaıdy. О́ıtkeni, naqty 100 qadamnyń árqaısysyna zer salar bolsaq, bul qujatty táýelsiz Qazaqstanymyzdy álemdegi kóshbasshy elge aınaldyrý maq­satyn kózdeıtin keshendi stra­tegııa deýge ábden bolady. Sonyń biri – 89-shy qadam. Munda «NUR­LY BOLAShAQ» ult­tyq jobasyn ázirleý jáne júzege asyrý. Mekteptik bilim berý­diń qol­danystaǵy oqý baǵdar­la­ma­lary­na MÁŃGILIK EL QUN­DYLYQ­TARYN ENGIZÝ» delingen. Shyn máninde, mektepterdiń oqý baǵdarlamalaryna «Máńgilik El» qundylyqtary týraly mol málimet engizilýi durys der edim. О́ıtkeni, bul batystyq dańǵyrlaq mýzyka men ınternet jelisindegi ulttyq qundylyqtarymyzǵa jat aqparatpen áýestenetin jas býyndy otanshyldyq rýhta tárbıeleýge jol ashar edi. Árbir jas óz Otanyn súıýi, Otanǵa qyzmet etýdiń paryz ekenin jete sezinip ósýi qajet qoı. Endeshe, qazirgi oqý baǵdarlamalaryna ár salanyń naqty derekterine qurylǵan málimettermen qamtylýy kerek. Aıdar SABYROV, H.Dosmuhamedov atyndaǵy Atyraý memlekettik ýnıversıtetiniń dosenti. ATYRAÝ.