Vetnamdaǵy ǵylymı-praktıkalyq konferensııa

Hanoı qalasynda Qazaqstan Respýblıkasynyń Vetnamdaǵy elshiligi Vetnam Áleýmettik ǵylymdar akademııasymen birlesip «Qazirgi kezeńdegi Qazaqstan. «Nurly Jol» Jańa Ekonomıkalyq Saıasaty» atty ǵylymı-praktıkalyq konferensııa ótkizdi. Is-sharaǵa Vetnam Syrtqy ister mınıstrliginiń, О́nerkásip jáne saýda mınıstrliginiń, Saýda-ónerkásip palatasynyń ókilderi, Vetnamnyń túrli damý ınstıtýttarynyń jetekshileri, TMD elderiniń jáne Eý­ropanyń damý máselelerin zertteı­tin vetnamdyq ǵylymı zııaly qaýym men sarapshylar qoǵam­dastyǵynyń ókilderi shaqyryldy. Qazaqstan elshisi Beketjan Jumahanov konferensııa qaty­sý­shylaryn elimizdiń saıası já­ne áleýmettik-ekonomıkalyq sala­lardaǵy negizgi jetistikterimen tanystyrdy. Elshi óz sózinde El­basynyń «Nurly Jol – bola­shaqqa  bastar jol» Qazaqstan halqyna Joldaýyna erekshe toqtalyp, kúrdeli jahandyq geosaıası ahýalmen, qarjy-ekonomıkalyq daǵdarys saldarymen baılanysty jańa qaýip-qaterlerdi tıimdi eńserýge baǵyttalǵan Qazaqstannyń basym baǵyttaryn atap ótti. Dıplomat baıandamalarynda Qazaqstan basshylyǵynyń mańyzdy syrtqy saıası bastamalary men elimizdiń halyqaralyq sahnadaǵy belsendiligi, Qazaqstannyń óńirlik jáne halyqaralyq turaqtylyq pen qaýipsizdikti nyǵaıtý, sonyń ishinde ıadrolyq qarýsyzdaný men taratpaý salasyna qosqan úlesi týraly málimet berdi. Konferensııa aıasynda Qa­zaqstan-Vetnam qatynastaryn saý­da-ekonomıkalyq jáne ınves­tı­sııalyq salalarda keńinen damytý múmkindikteri týraly aqpa­rat pen beınerolıkter usy­nyl­dy. Vetnam sarapshylar qaýym­dastyǵyna «Nurly Jol» Jańa Ekonomıkalyq Saıasatyn júzege asyrý aıasynda bıznes úshin ashylatyn múmkindikter, atap aıt­qanda, Qazaqstannyń kóliktik, ın­dýs­­trııalyq jáne energetıkalyq ınfra­­qurylymdaryn damytý stra­tegııa­lyq josparyn iske asyrý, sondaı-aq, EKSPO-2017 halyq­ara­lyq kórmesin da­ıyndaý jáne ony ót­kizýge qatysý jóninde habar­landy. Konferensııany qorytyndylaı kele, VSR Áleýmettik ǵylymdar akademııasynyń vıse-prezıdenti professor Ngýen Kýang Týan Qazaqstannyń qazirgi tańdaǵy jetistikterin joǵary baǵalap, Qa­zaq­standaǵy turaqtylyqtyń mańyzdy­lyǵyn jáne Qazaqstan Prezıdenti N.Nazarbaevtyń Joldaýynyń ýaqyttylyǵyn atap ótti. Eýropalyq zerteýler ınstıtýtynyń dırektory professor Ngýen An Ha elderimiz arasyndaǵy ekijaqty baılanystardy jandandyrý men saýda-ekonomıkalyq qatynastardy saıası yntymaqtastyq deńgeıine jetkizý qajettiligin atap ótti. Sonymen birge, konferensııaǵa qatysýshylar Elbasy Joldaýynyń ózektiligine nazar aýdara otyryp, osy qujatta baıandalǵan ártúrli salalardy damytýdyń perspektıvalaryn jáne ekonomıkalyq tıimdiligin joǵary baǵalady. Konferensııa barysynda qaty­sýshylarǵa Elbasynyń vetnam tilinde shyqqan «Nurly Jol – bolashaqqa bas­tar jol» atty Qazaqstan halqyna Joldaýy, ekonomıka jáne EKSPO-2017 kórmesi týraly beınerolıkter, sondaı-aq, Qazaqstan týraly túrli ımıdjdik úlestirme materıaldary taratyldy. «Egemen-aqparat».