Vena kelissózder qujaty qaýipsizdik pen senimdi nyǵaıtpaq

Almatyda “Senim men qaýipsiz­dikti nyǵaıtý sharalary boıynsha 1999 jylǵy Vena kelissózder qujaty” aıasyndaǵy qarý-jaraqty baqylaý boıynsha kezekti aımaqtyq kýrs óz jumysyn aıaqtady. QR Qorǵanys mınıstrligi janyndaǵy qarý-jaraqty qysqartýdy baqylaý jáne ınspeksııa qyzmetin qamtamasyz etý ortalyǵy men Astanadaǵy EQYU ortalyǵy, Ortalyq Azııa men Kavkaz memleketterindegi EQYU ortalyqtary men mıssııalary, Venadaǵy EQYU hatshylyǵy birlesip uıymdastyrǵan  kýrs jumysynda birqatar mańyzdy máseleler qamtyldy. Kýrs jumysyna QR Qorǵanys mınıstrligi jetekshiler quramy­nyń ókili, general-maıor Baqtııar Syzdyqov, Astanadaǵy EQYU or­talyǵy basshysynyń orynbasary Jannet Kletser, EQYU-nyń Ve­na­daǵy hatshylyǵynyń ókili Lora Fýrýholm jáne Túrkimenstan, Tá­jikstan, Qyrǵyzstan, Armenııa, Belarýs, Ulybrıtanııa men Fran­sııa verıfıkasııalyq orta­lyq­­tary­nyń áskerı-dıplomatııa­lyq ókilderi qatysty. Sonymen, úsh kúnge sozylǵan kýrs jumy­synda EQYU baılanys toraby boıynsha habarlandyrýlar for­matymen almasýǵa qatysty Vena qujatynyń erejelerin oryndaý, qujatqa qa­ty­sýshy memleket­terdiń ózara ıns­peksııalyq qyz­metin qamtamasyz etý sııaqty EQYU áskerı-saıası ólshemi taqyrybyna qatysty leksııalar toptamasy oqyldy. Kýrsqa qatysýshylar EQYU keńis­tiginde senim men qaýipsizdik is-sharalaryn qoldanýdy jetil­dirý boıynsha ózara pikir almas­ty. Sondaı-aq kýrs jumysy aıaq­tal­ǵan­nan keıin Qarýly Kúshter bólimderiniń birinde oqý-jattyǵý ınspeksııasy da júrgizildi. Qazaq­stan­nyń Eýropadaǵy qaýipsizdik jáne yntymaqtastyq jónindegi uıym­ǵa tóraǵalyǵyna oraı QR Qorǵanys mınıstrligi senimdilik sha­ralaryn jáne aımaqtyq qaýip­siz­dikti nyǵaıtý boıynsha bir­qatar is-sharalardy júzege asyr­dy. Sonymen birge qarý-jaraqty baqylaý salasynda semınarlar men kýrstyq sabaqtar da ótkizildi. QR Qorǵanys mınıstrligi je­tek­shiler quramynyń ókili, gene­ral-maıor Baqtııar Syzdyqovtyń aıtýynsha, kýrs jumysynyń  EQYU-ǵa qatysýshy  memleket­ter­diń  syrtqy ister mınıstr­leri­niń ja­qynda ǵana Almatyda ótken beı­resmı  kezdesýinen keıin uıym­­dastyrylýynyń mańyzdy­lyǵy zor. – Kópshilikke belgili, Qazaq­stan memleketi árdaıym jáne únemi halyqaralyq terrorızmge, dinı ekstremızmge, esirtki saý­dasy men ózge de búgingi tańdaǵy alýan túrli qaýip-qaterlerge qarsy ba­ǵyt­talǵan halyqaralyq ózara qa­rym-qatynastyń belsendi qaty­sý­shysy bolyp keledi. Búgingi tańda búkil álemde turaqty jáne beıbit damýdyń eń mańyzdy sharttary­nyń biri – senim men qaýipsizdikti nyǵaıtý, qarý-ja­raqqa baqylaý rejimin saqtaý bolyp tabylady. Al Qazaqstan­nyń EQYU-ǵa bı­ylǵy jylǵy tóraǵalyǵyndaǵy bas­ty maqsaty – ońdy tájirıbe­ler­men almasa otyryp, tıimdi, yq­pal­dy sheshim­derdi izdestirý ekendigi sózsiz. Bul oraıda, yqylasty únqatysýdyń mysaly retinde EQYU keńis­ti­ginde qaýipsizdik pen senimdi nyǵaıtýdyń mańyzdy quraldary­nyń biri bolyp sanalatyn Vena qujatyn jańartýdyń qajettigi týraly konsensýstyq sheshimdi atap aıtýǵa bolady,– deıdi general-maıor Baqtııar Syzdyqov óz oıyn ortaǵa salyp. Shyn mánisinde de, áskerıler pikirinshe Qazaqstannyń EQYU-ǵa tóraǵalyǵy jylyndaǵy osyn­daı joǵary deńgeıdegi aımaqtyq oqý kýrsy ótkizilýiniń máni men mańyzy aıryqsha ekendigi aıtpasa da túsinikti. Kezekti oqý kýrsy­nyń uıymdastyrylýy tek Or­talyq Azııa men Kavkaz aıma­ǵynda ǵana emes, sonymen qatar EQYU keńistiginde tutastaı al­ǵan­da aımaqtyq senim men qaýip­sizdikti nyǵaıtýǵa óz úlesin qosa­tynyna senim mol. Kópshilik tujyrymy osy. Baqyt BALǴARINA. Almaty.