Jaqynda Parlament Májilisiniń depýtaty, «Qazaqstan Respýblıkasy – Eýropalyq odaq» parlamentaralyq yntymaqtastyǵynyń múshesi Aıgúl Soloveva Eýropa qyzmetiniń syrtqy is-áreketter boıynsha Ortalyq Azııa basqarmasynyń basshysy Toıvo Klaarmen jáne Eýropalyq odaqtyń Qazaqstandaǵy О́kildiginiń basshysy, elshi Aýrelııa Býshezben kezdesti.
Júzdesý barysynda Májilis depýtattary ekijaqty yntymaqtastyq baılanystardyń kókjıeginiń keńeıgenin atap ótti. Alda seriktestik qatynastardyń qanat jaıa túsýine tilektestik bildirip, vızalyq tártip sharttaryn jeńildetý joldaryn qarastyrý máselesin qozǵady.
Toıvo Klaar Qazaqstan men Eýroodaq arasyndaǵy yntymaqtastyq baılanystyń ótken jylǵy qazandaǵy Qazaqstan basshysy Nursultan Nazarbaevtyń Brıýsselge resmı saparynan soń jańa deńgeıge kóterilgenin habarlady. Quramyna 28 memleket enetin Eýroodaq óz quqyqtyq aktilerin qaıta qarap, kelisimderde kórsetiletin jańa salalarǵa nazar aýdaryp jatqandyqtaryn málimdedi. Qazaqstanmen vızalyq tártipti ońtaılandyrý jaǵdaıyn da oılastyryp jatqandyqtaryn jetkizdi.
Osy kezdesýge Májilis depýtaty, «Qazaqstan Respýblıkasy – Eýropalyq odaq» parlamentaralyq yntymaqtastyǵynyń múshesi Shavhat О́temisov te qatysty, dep habarlady Májilistiń baspasóz qyzmeti.