Palata Spıkeri Qabıbolla Jaqypovtyń tóraǵalyǵymen Májilis bıýrosy ótip, jalpy otyrystyń kún tártibi naqtylandy, dep habarlady osy palatanyń baspasóz qyzmeti.
Depýtattar nazaryna 2009 jylǵy 6 qazandaǵy Qazaqstan men Fransııa úkimetteri arasyndaǵy Jerdi qashyqtyqtan zondtaýdyń ǵarysh júıesin jáne ǵarysh apparattarynyń qurastyrý-synaý keshenin qurý men paıdalaný sharttary týraly kelisimge túzetýlerdi qarastyratyn hattamany ratıfıkasııalaýǵa qatysty zań jobasy usynylady.
Halyq qalaýlylary qurylystaǵy baǵa belgileý, sáýlet-qurylys baqylaýyn, sondaı-aq, obektilerdi paıdalanýǵa qabyldaýdy júzege asyrý máseleleri boıynsha, sonymen qatar, Kaspıı teńizinde tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimge jáne 2004 jylǵy 22 jeltoqsandaǵy Qazaqstan men Reseı Federasııasynyń Úkimeti arasyndaǵy «Baıqońyr» ǵarysh aılaǵynda «Báıterek» ǵarysh zymyran keshenin qurý týraly kelisimge túzetýlerdi kózdeıtin hattamaǵa qatysty eki ratıfıkasııalyq qujat boıynsha qorytyndy ázirleý merzimin taǵaıyndaıdy.
Osy kúni májilismender, saqtandyrý jáne ıslamdyq qarjylandyrý máseleleri boıynsha zań jobasyna Parlament Senaty engizgen ózgeristerdi qaraıdy.
«Egemen-aqparat».