Depýtattar saılaýshylarmen kezdesti

Depýtattardyń alǵashqy qadamy “Batys Qytaı – Batys Eýropa” avtojolyn júrgizip jatqan “Shım-Shak NS” JShS-niń jumysymen tanysýdan bas­taldy. Sapaly jol – adam ǵumy­rynyń qaýipsizdiginiń kepili. Atal­mysh jobadan teńiz perzentteriniń kúter úmiti mol. Kezdesý barysynda jumys qarqyny, sapasynyń joǵa­ry bolýy áńgime ózegine aınaldy. Halyq qalaýlylary munan keıin “Aqlaq” sý tospasy, “Kók­aral” bógetinde bolyp jurtshy­lyqpen oı bólisti. Qaratereń eldi mekeninde aýdan balyqshylarymen bolǵan kezdesýde “SARATS” jo­basynyń I kezeńinde tyndyrylǵan tolymdy tirlikter sóz etildi. Oral­mastaı kóringen Aral teńizi keme­rine qaıta kelýde. Balyq sharýa­shy­lyǵy jandanyp, halyqtyń ál-aýqaty ońala bastady. Munyń bári Elbasymyz qamqorlyǵynyń je­misi.

Jıynda eńbek ardageri Ju­ma­han Omarov syndy azamattar ózde­rin tolǵandyryp júrgen másele­lerdi ortaǵa saldy. “Qumsaı” jaılaýyndaǵy “Qulandy” AQ-tyń túıekeshi Muhıt Seıitov pen Parlament depýtattary arasyndaǵy áńgimede mal tuqymyn asyldan­dy­rý, ónim óńdeý, ótkizý, memleket tarapynan sýbsıdııa tóleý jaıynda sóz qozǵaldy. Qazalydaǵy júzdesý ákimdiktiń májilis zalynda ótkizildi. “Batys Qytaı – Batys Eýropa” halyq­ara­lyq tranzıttik dálizi jobasynyń iske asyrylýy barysyn talqylaýǵa arnalǵan jıynǵa merdiger meke­melerdiń basshylary, “Nur Otan” HDP músheleri, qoǵamdyq uıym ókil­deri, jergilikti máslıhat de­pýtattary qatysty.

Oblys kóle­minen salynatyn 811 shaqyrym jolǵa 4 bas merdiger, 19 qosymsha merdiger belgilenipti. Osylaısha kóptegen jergilikti turǵyndar ju­myspen qamtylýda. Osylar jaıyn sóz etken Murat Ábenov merdiger kompanııalardyń zań talaptaryn oryndaýy, qorshaǵan ortaǵa zııanyn keltirmeýi depýtattar nazarynda turǵanyn jetkizdi. Olardyń jatar orny, baspana, tamaqtaný jaıy, jalaqysy qyraǵy qadaǵalanýy qajet. Keıbir merdigerlerdiń ju­my­synda olqy tustar baryn ja­syrýǵa bolmaıdy. Sanıtarlyq ta­laptar, qaýipsizdik erejesi de múltik­siz oryndalýǵa tıisti.

Par­la­ment Májilisiniń depýtaty Qut­ty­qoja Ydyrysov Elbasy nazaryn­daǵy aýqymdy jobanyń jurtshy­lyq­qa tıgizer zor paıdasyna toq­taldy. Kezdesýde aýdandyq máslı­hat hatshysy Talaıly Bóriqu­laqov, oblystyq baqylaý jáne áleýmettik qorǵaý departamenti dırektorynyń orynbasary Ábdi­ǵazız Áljan, jolaýshylar kóligi jáne avtomo­bıl joldary bas­qarmasy basty­ǵynyń orynbasary Dinmuhammed Ábsáttarov kún tártibine oraı óz pikirlerin bil­dirdi. Jıyn sońynda halyq qa­laý­lary turǵyndardy jeke ótinishteri boıynsha qabyldady.

Jumabek TABYNBAEV. Qyzylorda oblysy.