AQSh-tyń Eýrazııa aımaǵyndaǵy energetıka máseleleri jónindegi arnaıy elshisi Rıchard Mornıngstar Qazaqstan men AQSh arasyndaǵy energetıka salasy boıynsha strategııalyq áriptestikti nyǵaıtý maqsatynda osy jyldyń 27-28 shildesinde Qazaqstanda boldy. Sapar barysynda R.Mornıngstar Premer-Mınıstr Kárim Másimovpen, Munaı jáne gaz mınıstri Saýat Myńbaevpen, sondaı-aq Qazaqstannyń joǵary laýazymdy resmı ókilderimen, munaı kompanııalarynyń basshylarymen kezdesti. Sonymen qatar, elshi AQSh-tyń Qazaqstandaǵy elshiliginde buqaralyq aqparat quraldary ókilderimen baspasóz máslıhatyn ótkizip, olardyń suraqtaryna jaýap qaıtardy.
AQSh-tyń Memlekettik hatshysy Hılları Klınton elshi R.Mornıngstardy AQSh-tyń Eýrazııa aımaǵyndaǵy energetıka máseleleri jónindegi arnaıy elshisi etip 2009 jyldyń 20 sáýirinde taǵaıyndaǵan bolatyn.
“Egemen-aqparat”.