ASTANA. 5 sáýir. Astanada 26 sáýirde ótetin prezıdent saılaýyn qoldaǵan jastar arnaıy fleshmob uıymdastyrdy. Shara «Meniń alǵashqy saılaýym» aksııasy aıasynda ótkizildi. Bul týraly «QazAqparat» habarlady.
Mádenı sharaǵa Astanadaǵy joǵary oqý oryndarynyń stýdentteri qatysty. «Seniń daýysyń mańyzdy!», «Saılaýǵa kelip daýys ber!» dep urandaǵan jastar barsha qazaqstandyqty saılaýǵa shaqyrdy.
Astana qalalyq jastar saıasatyn qoldaý memlekettik qory uıymdastyrý bóliminiń bastyǵy Ádilet Tóleýtaevtyń aıtýynsha, aksııanyń maqsaty – halyqty belsendilikke úgittep, daýys berýge quqy bar ár azamatty saılaýǵa shaqyrý. «Bul shara Astanadaǵy eń belsendi stýdentterdiń qatysýymen ótýde. Ártúrli halyqtardyń bıi uıymdastyrylyp, sońynda jastar «26» sımvoldyq sanyn beıneledi», – deıdi Á.Tóleýtaev.
Elaman Qońyr.
Derek, sýret: «QazAqparat».