ASTANA. 5 sáýir. AQSh Iemen prezıdenti Abd Rabbý Mansýr Hadı men Ýkraınanyń burynǵy prezıdenti Vıktor Iаnýkovıchtiń áreketterin ártúrli baǵalaıdy. Bul týraly rosbalt.ru habarlady.
Aıta keteıik, Iemen prezıdenti hýsıtter kóterilisinen keıin eldi tastap shyqqan bolatyn. Kezinde Iаnýkovıch te Maıdandaǵy jaǵdaıdan keıin Ýkraınadan ketip qalǵany belgili. AQSh bul eki jaıttyń aıyrmashylyǵy baryn aıtty.
«Men Hadıdiń jaǵdaıynda «elden qashyp ketti» degen sózdi qoldanbas edim. О́ıtkeni, ony qarýly hýsıtterdiń áreketi elden ketýge májbúr etti. Hýsıtter búginde eldiń biraz aýmaǵy men astanasy – Sananyń kóp bóligin basyp aldy», – deıdi AQSh memlekettik departamentiniń resmı ókili Marı Harf.
Sondaı-aq, ol Ýkraınanyń eks-prezıdentine qatysty: «Vıktor Iаnýkovıch elden ketken kezde Kıevtiń kóp bóligi Sanadaǵydaı qarýly toptyń baqylaýynda bolǵan joq. Sondyqtan ol múldem basqa jaǵdaı», – dedi.
Osyǵan deıin Reseıdiń syrtqy ister mınıstri Sergeı Lavrov AQSh-tyń ekijaqty standartyna qatysty synı pikir bildirgen bolatyn. Bul jóninde ol: «О́z elin tastap ketken Iemen prezıdentin AQSh qoldap otyr. Al dál solaı Ýkraınadan ketip qalǵan Iаnýkovıchtiń áreketine olar qarsylyq bildirgen edi», – dep Amerıkanyń bul áreketin aıyptaǵan edi.
Elaman Qońyr.
Derek: rosbalt.ru.
Sýret: ruposters.ru.