QYZYLORDA. 26 qańtar. 22-24 qańtar aralyǵynda oblys kóleminde memlekettik organdardyń, úkimettik emes uıymdardyń jáne buqaralyq aqparat quraldarynyń ókilderin tarta otyryp, «Balalar túngi qalada» atty jedel-profılaktıkalyq is-sharasy ótkizilgen bolatyn. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Júrgizilgen is-shara barysynda ishki ister organdaryna barlyǵy 279 kámeletke tolmaǵandar jetkizilse, onyń ishinde 268 kámeletke tolmaǵandar túrli ákimshilik quqyq buzýshylyqtar jasaǵandary úshin, qalǵan 11-i qadaǵalaýsyz jáne panasyz qalǵany úshin ákelindi.
Sonymen qatar, QR ÁQBtK-niń 127-baby boıynsha, ata-ananyń nemese basqa da zańdy ókilderdiń balalardy tárbıeleý jónindegi mindetterdi oryndamaǵany úshin barlyǵy 14 ata-anaǵa hattama toltyrylsa, QR ÁQBtK-niń 442-baby (saǵat 22:00-den 06:00-ge deıin kámeletke tolmaǵandar túngi ýaqytta zańdy ókilderiniń erip júrýinsiz oıyn-saýyq mekemelerinde bolýy jáne saǵat 23:00-den 06:00-ge deıin zańdy ókilderiniń erip júrýinsiz turǵyn jaıdan tys jerde bolýy) boıynsha barlyǵy 224 kámeletke tolmaǵandar anyqtalyp, olardyń zańdy ókilderine hattama toltyryldy. Sondaı-aq, QR ÁQBtK-niń 434-baby (buzaqylyq) jáne 435-baby (kámeletke tolmaǵan adam jasaǵan buzaqylyq) boıynsha 26 kámeletke tolmaǵandar men olardyń zańdy ókilderine hattama toltyrylyp, tıisti shara kórý úshin jergilikti jerlerdegi ákimshilik sottarǵa joldandy.
QR ÁQBtK-niń 437-baby (túngi tynyshtyq buzý) boıynsha 3 kámeletke tolmaǵandar, QR ÁQBtK-niń 441-baby (belgilenbegen qoǵamdyq orynda temeki shegý) boıynsha 13 kámeletke tolmaǵandarǵa hattamalar toltyrylyp, aıyppul salyndy. QR ÁQBtK-niń 440-baby, 2-bólimi boıynsha (jasy on segizge tolmaǵan adamdardyń qoǵamdyq oryndarǵa masań kúıde kelýi, sol sııaqty olardyń alkogoldik ishimdikterdi ishýi) 2 derek anyqtaldy. QR ÁQBtK-niń 200-baby (QR zańnamasynyń alkogol ónimin ótkizý jónindegi talaptaryn buzý) boıynsha 4 derek, QR ÁQBtK-niń 133-baby (on segiz jasqa tolmaǵan adamdarǵa temekini jáne temeki buıymdaryn satý jáne olardyń satýy) boıynsha 4 derek, QR ÁQBtK-niń 132-baby (kámeletke tolmaǵandardyń túngi ýaqytta oıyn-saýyq mekemelerinde bolýyna jol berý) boıynsha 8 derek anyqtaldy.
Erjan Baıtiles.
Derek, sýret: egemen.kz