Tarazı tartýy

Astanadaǵy Ulttyq aka­demııalyq kitaphanaǵa – jazýshy, Memlekettik syılyqtyń laýreaty, Qa­zaqstannyń eńbek sińirgen qaıratkeri Ákim Tarazı ózi jınastyrǵan kitap toptamalaryn syıǵa tartty. Jazýshynyń óz top­tamalaryn kitaphanaǵa tap­syrýynyń sebebi – ki­taphana ujymy men belgili qalamgerdiń birneshe jyldan beri shyǵarmashylyq baılanysta bolýy. 2007 jyldan bastap Ákim О́rtaıuly «Bir el – bir kitap» aksııasyn uıymdastyrý komıteti tóraǵasynyń orynbasary bolsa, bul joly qalamger kitaphanada ótkizilgen is-sharanyń qurmetti qonaǵy bolyp keldi. О́ıtkeni, jazýshy kitap toptamalary kópke qoljetimdi bolyp, oqyrmandardyń belsendi paıdalanýyna jaǵdaı ja­salǵanyn qalaıdy eken. Ákim Tarazı «Jaza» ro­many úshin 1989 jyly Memlekettik syılyq alsa, 2011 jyly jazýshy «Álem ádebıetin da­mytýǵa qosqan úlesi úshin» Frans Kafka atyn­daǵy halyqaralyq ádebı syılyqtyń laýreaty ataǵyna ıe boldy. Qalamgerdiń qalamynan «Tasjarǵan», «Bultqa salǵan uıasyn», «Ken», «Jaza», «Sher», «Qor­­qaý juldyz», «Mahabbat jyry», «Qııanat», «Mus­tafa Sho­qaı» romandary, «Quıryqty juldyz», «Úlken aýyl», «Asý-asý» povesteri jáne «Kúlmeıtin komedııa», «Jaqsy kisi», «Joly bolǵysh jigit» atty pesalar týdy. Sondaı-aq, jazýshy – «Tulpardyń izi», «Qarash-Qarash oqı­ǵasy», «Arman-ataman», «Mustafa Sho­qaı» fılm­deri ssenarııiniń avtory. Á.Tarazıdyń birqatar kitaptary orys, qytaı, aǵylshyn, venger, bolgar, nemis, fın jáne cheh tilderine aýdarylǵan. Jazýshy stýdenttik jyl­­darynan kitaptar jınaı bastap, ár jyldarda jazýshy kitaphanasy ádebıettermen, eń aldymen kór­kem týyndylarmen jáne tarıh, fılosofııa, til bilimi boıynsha ǵylymı-tanymdyq eńbek­termen tolyqtyryldy. Búgingi syıǵa tartylǵan toptamalar – 979 kitap eken. Osy toptamadan onyń ıesiniń ensıklopedıst, oı-órisi keń, ynta-yqylasy joǵary, tereń bilimdi tulǵa eken­digin bilemiz. Toptamanyń ba­sym bóligi qazaq aqyn-jazýshy­larynyń, kór­nekti qoǵam jáne memleket qaıratkerleriniń shyǵar­malarynan, Qazaq­stan tarıhy, mádenıeti týraly kitaptardan turady. Sondaı-aq, munda shet­el ádebıetteri de usynyldy. Top­tamalarǵa qosymsha Ákim Ta­razıdyń memorıaldy eksponattary: jazý ústeline arnalǵan jıyn­tyq, plakat, baspa máshinkesi papka jáne jazý quraly da bar. Kitaphanadaǵy aqpa­rat­tyq-bıblıo­grafııalyq ser­vıs qyz­metiniń maman­dary Ákim Tarazı shy­ǵarmashylyǵy boıynsha bı­blıografııalyq kór­setkish ázir­lep, kór­setkishke «Ákim Tarazıdyń bıografııasy», «Tarazı týraly oılar», «Ákim Tara­zıdyń shy­ǵarmalary», «Ákim Tarazıdyń mer­zimdi basylym betterinde ja­ryq kórgen maqalalary» (1969-2015 jyldar), «Ákim Tarazıdyń dramatýrgııasy», «Ákim Tarazı shetel derekkózderinde», «Ákim Tarazıdyń aýdar­malary», «Sse­narıı avtory – Ákim Tarazı», «Ákim Tarazıdyń ómiri men shyǵar­mashylyǵy týraly», «Elektrondy resýrstar» atty bólimder, sondaı-aq jazýshy týraly ınternet resýrs­tar da kiristirilgen. Basy­lym ádebıettanýshy ǵa­lymdarǵa, JOO men mektep oqytýshylaryna, stý­dent­terge, oqýshylarǵa, ki­tap­hana­­shylarǵa, sondaı-aq Ákim Tarazıdyń ómiri men shyǵarma­shylyǵyn zerdeleıtin oqyrman qa­ýym­ǵa arnalǵan. Saltanatty sharaǵa eli­mizdiń zııaly qaýym ókilderi men oqyr­man­dar qatysyp, Qýanysh Sul­tanov, Jabal Erǵalıev sııaqty qoǵam qaıratkerleri belgili qa­lamgerdiń ónegeli is-shara­syna rıza­shy­lyqtaryn bildirip, jazýshynyń qabi­let-qarymyna toqtalyp ótti. Berik SADYR, «Egemen Qazaqstan».