Juban elindegi jańa emhana

Jańa jyl qarsańynda Batys Qazaqstan oblysyn­daǵy Aqjaıyq aýdanynyń ortalyǵynda «100 mektep, 100 aýrýhana» baǵdarlamasyna sáıkes aýysymyna 250 adam qabyldaı alatyn jańa emhana ashyldy. Bul – aı­maqtaǵy densaýlyq saqtaý salasyndaǵy besinshi joba. «Halyqtyń densaýlyǵy – ol Qazaqstannyń óziniń strategııa­lyq maqsattaryna jetýdegi taby­sy­nyń ajyramas quramdas bóli­gi» dep jazylǵan elimiz Pre­zı­dentiniń Qazaqstan halqyna Jol­daýynda. Respýblıkalyq bıýdjetten 1 mlrd. 319 mln. teńgege sa­lyn­ǵan osy densaýlyq mekeme­si­niń jalpy aýmaǵy 7225,7 sharshy metrdi qurasa, onda 321 ártúrli bólmeler, jertólesinde qoıma­lar, tońazytqyshtar, qaýipsizdik ból­meleri, garaj, t.b. ınfra­qu­rym­dar ornalasqan. 5 lıft ju­mys jasaıdy. Osy ǵımarattyń mańynda jylý berý ortalyǵy, jedel jár­dem avtomashınasyna garajdar, avtoturaq, apattyq jaǵdaılar ny­sandary, kóriktendirý alańdary ornalasqan. Bul qurylysta 80 adam jumys jasady. Aılyq jal­aqylary (eń tómengi shegi) 60-70 myń teńgeni quraǵan. Osy den­saýlyq mekemesiniń ashylý sal­tanatyna arnaıy kelgen oblys ákimi Baqtyqoja Izmuhambetovti, jer-jerden kelgen soǵys jáne eńbek ardagerlerin jańa emhana­nyń aldynda jurtshylyq úlken merekelik shyraımen qarsy aldy. – Elbasy N.Nazarbaevtyń qam­­qorlyǵynyń nátıjesinde, – dedi B.Izmuhambetov, – bizdiń a­ı­maq qarjy daǵdarysynyń salqy­nyn kóp sezine qoıǵan joq. On­daǵan mektepter men saýyqtyrý oryn­dary jańadan salyndy, kúr­deli jóndeýden ótti. «100 mektep, 100 aýrýhana» baǵ­dar­lamasymen júze­ge asqan myna emhananyń paı­dalanýǵa berilýi aýdan halqy úshin zor qýanysh. Elbasy elimiz­diń erteńi úshin árkez sergek te senimdi. Emhana quryly­syn júrgiz­gen «SV plıýs» JShS dırektory Sábıt Ýtebalıevke, son­daı-aq aýdan ákimi Abaı Iman­ǵalıevqa úl­ken alǵysymdy bildiremin. Olar qurylystyń sapaly ári mezgilinde bitýine qamqor bol­dy. Biz aýdan halqy úshin bar jaq­sylyqty jasaýǵa tıistimiz. Keler jyly Jaıyq ózeniniń sol jaǵalaýyna gaz ótkizý jumys­tary bastalmaq. Aqsýat pen aq­ıyq aqyn Juban Molda­ǵa­lıev­tyń kishi otany – Saıqudyqta orta mektepter salý isi kezek kúttir­meıdi. Halyq qamqorlyq qusha­ǵynan tabyla bermek. Oblys ákimi jańa emhanaǵa «Je­del járdem» avtomashınasyn syıǵa tapsyrdy. Saltanatta sóz alǵan «Shapaǵat» ordeniniń ıegeri, emhana dárigeri V.Plotnıkov, aý­dandyq ardagerler keńesiniń tór­aǵasy Ǵ.Luqpanov halyqqa qam­qor el basshylaryna úlken rahmet aıta otyryp, Prezıdent N.Na­zar­baevtyń ókilettik merzimin 2020 jylǵa deıin uzartý jónindegi bas­tamaǵa qyzý qoldaý kórsetý ózderi­niń azamattyq boryshy ekenin atap ótti. Osy emhanany paıdalanýǵa bergen «SV plıýs» JShS dı­rektory Sábıt Ýtebalıev aýdan turǵyndaryn, el azamattaryn úl­ken ıgilikti istiń aıaqtalýymen quttyqtaı otyryp, sımvolıkalyq kiltti aýrýhananyń bas dárigeri Darhan Haırýshevke tapsyrdy. Saltanatqa qatysýshylar jy­ly, jaryq, keń emhana bólme­lerin aralap kórdi. Ár bólmede ornalastyrylǵan jabdyqtardyń keıbiri AQSh, Japonııa, Ońtústik Koreıa, Reseı elderimen tatý qarym-qatynas negizinde alynyp, halyq ıgiligine aınalyp otyr. Kún­dizgi emdeý bólimi, opera­sııalyq úlken zal, flıýrografııa, rentgen, ÝZI, klınıkalyq jáne bıologııalyq zerthanalar, fızıoterapııa, massaj, otolarıngolog (EKG, veloergometr) kabınetteri kózdiń jaýyn alady. Temir QUSAIYN. Sýretterdi túsirgen Medet SÚNDETULY. Batys Qazaqstan oblysy.